Kɛkolu 17:31 - Ala Ya Salatikan Kula Kitabu

³¹ Kamasɔlɔn lon dɔ latɛɛnin a bolo, a kɛtɔ dunuɲamɔɔlu bɛ ya kiti tɛɛla lon min na telenmandeya boloma aa kɛ́ tanin sabu la. A do na wo lagbɛla bɛ yɛ ka bɛn a lawuliko ma ka bɔ saya lɔ.»

Kɛkolu 17:31 ပူးပေါင်းရင်းမြစ်များ

Matiyu 10:15

Ǹ'i tuɲa fɔ ài yɛ, kititɛɛlon, Sɔdɔmu ni Gɔmɔli so yonnu ya kiti kɛtɔ nɔyala ka timin so wo mɔɔlu ta la.»

Matiyu 24:14

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Luka 22:22

Mɔɔnivin Tanin faatɔle iwo a latɛɛnin teme Ala bolo. Kɛɛ do, mɔɔ min kɛtɔ a janvala, gbalo yi wo tii yɛ!»

Yohana 12:48

Ni mɔɔ min k'i ban ǹ nɔ, a do m'a bolo sii ǹ kumakan kɔlɔ, ko yi je min kɛtɔ a kitila, wo le ǹ kumakan ne, ǹ na min fɔla. Wo gbugbu le kɛtɔ a kitila dunuɲa laban lon.

Yohana 16:10

Ai filinin ka bɛn telenmandeyako ma, kamasɔlɔn ǹ taatɔle ǹ Fa fɛlɔ, ài do tɛnala ǹ yena butu.

Yohana 5:27

A do na kititɛɛ seetiiya dila a ma, kamasɔlɔn ale le Mɔɔnivin Tanin ne.

Kɛkolu 17:18

Mɔɔ kalannin dɔlu tɛɛ je, ai tɛɛ a fɔla minu ma ko Epikuli ani Sitoisi ya mɔɔlu, minu ka Pɔli sɔsɔ damina. A dɔlu vɛɛ: «Kumafuunfɔba min y'a fɛ ka mindɛ le fɔ?» A dɔgbɛlɛlu vɛɛ: «A kɛyine iwo a yi kumala ka bɛn tii dɔlu ma minu lɔnin tɛ mɔ bolo.» Ai ka wo fɔ kamasɔlɔn Pɔli tɛɛ Isa ya Samakan Kein ne lasena, ko a v'i wuli ka bɔ saya lɔ.

Kɛkolu 17:32

Ladɛnmɔɔlu ka fulenilu lawuliko mɛn Pɔli da mingɛ, a dɔlu v'a majɛlɛla. Kɛɛ a dɔgbɛlɛlu vɛɛ: «M'a fɛ i y'a dɔ la kuma min kɔkan lon gbɛlɛ.»

Kɛkolu 17:6

Ai ma ai ye je mingɛ, ai ka Jason ni limaniyamɔɔ dɔlu mina, k'ai fɔnfɔn ka taa ai le so ɲamɔɔlu ɲakɔlɔ. Ai do tɛɛ gbanɔla, ai vɛɛ: «Mɔɔ minu na dunuɲa bɛ ɲaamina, ai vɛ se maa so kɔnɔ.

Kɛkolu 2:32

«Ala na Isa wo le lawulila ka bɔ saya lɔ. Ǹu gbu yi min sele le.

Kɛkolu 4:10

Wo lɔ saa, àilu ni Bani Isilankalu bɛ y'a lɔn ko Masa Tɔɔmasenin Isa Nazalɛtika, ài na min gbaanna kɔlɔman ma, kɛɛ Ala n'a lawulila ka bɔ saya lɔ, wo le tɔɔ kɛnin sabu le kɛ́ min lakɛnɛyanin lɔnin ài ɲakɔlɔ.

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

Lɔmukalu 2:5

Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

Hebululu 6:2

ani kalan ka bɛn maa makoliko laanalu ma, ani bololankanko, ani fulenilu lawuliko, ani habadan kiti.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.