Kɛkolu 17:2 - Ala Ya Salatikan Kula Kitabu

² Wo lɔ, Pɔli ka taa je Nɔningɛlon, iwo a deinin tɛɛ a kɛla teme. A do ka Nɔningɛlon sawa kɛ je, a vɛ kumala mɔɔlu yɛ ka bɛn kitabulu ma,

Kɛkolu 17:2 ပူးပေါင်းရင်းမြစ်များ

Matiyu 26:24

Ado Mɔɔnivin Tanin faatɔle iwo a sɛvɛnin kitabu kɔnɔ teme ka bɛn a ma. Kɛɛ mɔɔ min kɛtɔ a janvala, gbalo yi wo tii ma yɛ. Hali ni wo tii tɛɛ ma sɔlɔn, wo tɛɛ bɛnne a ma feu.»

Luka 4:16

Wo kɔ, Isa ka taa Nazalɛti so kɔnɔ, a buɲanin tɛɛminja. Nɔningɛlon senin, a ka taa Aladalibon na, iwo a deinin tɛɛ a kɛla teme. A k'i lɔ mingɛ kalankɛko lɔ,

Yohana 18:20

Isa do k'a javi, a vɛɛ: «Ǹ na kumala mɔɔ bɛ yɛ bala le lɔ. Waate bɛ, ǹ tɛɛ mɔɔlu kalanna Aladalibonnu la ani lɔhɔlɔmabonba la, Jahudiyalu y'ai ladɛnna dingila minu lɔ. Ǹe do ma ko ko si fɔ doon nɔ.

Kɛkolu 13:14

Ai bɔnin Pɛlɛga, ai ka se Antiyɔsi so kɔnɔ, min yi Pisidi koovi lɔ. Nɔningɛlon senin, ai ka don Aladalibon na k'i sii.

Kɛkolu 13:5

Ai senin Salamisi so kɔnɔ, ai ka Ala kumakan lase damina Jahudiyalu ya Aladalibonnu la. Yohana (ai tɛɛ a fɔla min ma ko Malɛkɛ), wo tɛɛ ai madɛmɛnna.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 17:10

Su ka ko mingɛ feeya, limaniyamɔɔlu ka Pɔli ni Silasi lataa so gbɛlɛ la, min tɔɔ yi ko Beleya. Ai senin je, ai ka taa Jahudiyalu ya Aladalibon na.

Kɛkolu 17:17

A do tɛɛ taala Aladalibon na je ka kuma Jahudiyalu yɛ, ani siboloma gbɛlɛ minu tɛɛ siyanna Ala ɲa. Lon bɛ, a tɛɛ taala bala lɔ fana ka kuma mɔɔlu yɛ minu tɛɛ kɛla je.

Kɛkolu 18:4

Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.

Kɛkolu 19:8

Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 24:25

A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 8:35

Wo lɔ, ka ta kitabu dingila wo ma, Filipe vɛ Isa ya Samakan Kein lasena a ma.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

1 Kolɛntikalu 15:3

Ǹ na kalan kulugbɛlɛn min sɔlɔnna, ǹ na wo le lasena ài ma kunfɔlɔ le: Masa Tɔɔmasenin sanin maa julumbulu ya ko le lɔ iwo a sɛvɛnin kitabu kɔnɔ teme.