Kɛkolu 17:11 - Ala Ya Salatikan Kula Kitabu

¹¹ Je mɔɔlu josolɔgbɛyine tɛɛ ka timin mɔɔlu la minu tɛɛ Tɛsalonika, kamasɔlɔn ai k'ai bolo sii Ala kumakan kɔlɔ sɛmɛdon boloma, ai vɛ kitabulu mafɛlɛnna lon bɛ k'a lɔn ni ko wolu yi tuɲa le le.

Kɛkolu 17:11 ပူးပေါင်းရင်းမြစ်များ

Matiyu 13:23

Malo minu na benna duu kein nɔ, wolu le mɔɔlu le minu yi Ala kumakan mɛnna k'a ɲaye. Kumakan wo yi donna ai josokun nɔ ka sawati iwo malo minu y'ai den kɛmɛ (100) kɛla, niwotɛ biwɔɔlɔ (60), niwotɛ bisawa (30).»

Luka 1:2

iwo mɔɔlu n'a ɲafɔla mɔ yɛ teme, minu na ko wolu yena ai ɲa la ka ta a damina ma, ani minu kelayanin tɛɛ Ala kumakan lasenko lɔ.

Luka 11:3

I yi bi balo di mɔ ma.

Luka 16:29

Kɛɛ Nabi Ibulahima do vɛɛ a yɛ: ‹Nabi Musa ya Taulati ni kela dɔgbɛlɛlu ya kitabulu y'ai bolo. Wo ma, ai y'ai tolomalɔ wolu la.›

Luka 24:44

Wo kɔ, a vɛɛ ai yɛ: «Ǹ tɛɛ ko minu le fɔla ài yɛ mɔ tɛɛ i ɲɔɔ fɛ waate min nɔ, ǹ ko, kuma minu bɛ sɛvɛnin ka bɛn m̀ ma Nabi Musa ya Taulati ni Zabuli lɔ, ani kela dɔgbɛlɛlu ya kitabulu lɔ, fɔ wolu bɛ ma yi fa.»

Yohana 3:21

Kɛɛ mɔɔ min do yi taamana tuɲandeya lɔ, wo tii yi diɲale ka na kɛnɛya lɔ, fɔsa a la yi gbɛ ko a a kɛkolu kɛla Ala ya kafonɲɔɔya le lɔ.»

Yohana 5:39

Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma.

Kɛkolu 10:33

Wo le n'a kɛla, ǹ na mɔɔlu lataala i kɔ telemanin. Ado i nako vɛ iya ɲumaya jiya mɔ la. Mɔ Tii n'i lɔla ko minu fɔla mɔ yɛ, mɔ bɛ yi jan Ala ɲakɔlɔ ka mɔ tolomalɔ wolu bɛ ma.»

Kɛkolu 11:1

Keladennu ni limaniyamɔɔ minu tɛɛ Jude koovi lɔ, wolu k'a mɛn ko siboloma gbɛlɛ mɔɔlu fana vɛ ai bolo sii Ala kumakan kɔlɔ.

Kɛkolu 17:1

Pɔli ni Silasi wɔlinin Amfipolisi ni Apoloni solu lɔtiminna, ai ka se Tɛsalonika sɔ kɔnɔ, Jahudiyalu ya Aladalibon dɔ tɛɛ tɛɛminja.

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

2 Tɛsalonikakalu 2:10

ani ka telenbaliya suu bɛ dɔ kɛ ka halakibatɔlu lafili, minu m'ai bolo sii tuɲa kɔlɔ ka tuɲa ladiyaɲɛ min tɛɛ ai lakisi.

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

1 Piyɛli 2:2

Ala kumakan sɛnɛyanin lɔɔ yi kɛ ài la, iwo sinji lɔɔ yi kɛla denɲanin na teme, fɔsa ài la yi sawati kisiko lɔ a sabu la,