Kɛkolu 17:10 - Ala Ya Salatikan Kula Kitabu

¹⁰ Su ka ko mingɛ feeya, limaniyamɔɔlu ka Pɔli ni Silasi lataa so gbɛlɛ la, min tɔɔ yi ko Beleya. Ai senin je, ai ka taa Jahudiyalu ya Aladalibon na.

Kɛkolu 17:10 ပူးပေါင်းရင်းမြစ်များ

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 15:22

Wo le k'a kɛ, keladennu ni ɲamɔɔlu ni limaniyajama bɛ k'a latɛɛ ko ai yi kɛ́ dɔlu ta ka wolu lɔ Pɔli ni Baanabasi malɔla Antiyɔsi. Wo lɔ, ai ka Judasi ta (ai tɛɛ a fɔla min ma ko Baasabasi), ani Silasi, minu tɛɛ ɲamɔɔlu le limaniyamɔɔlu tɛma.

Kɛkolu 17:1

Pɔli ni Silasi wɔlinin Amfipolisi ni Apoloni solu lɔtiminna, ai ka se Tɛsalonika sɔ kɔnɔ, Jahudiyalu ya Aladalibon dɔ tɛɛ tɛɛminja.

Kɛkolu 17:2

Wo lɔ, Pɔli ka taa je Nɔningɛlon, iwo a deinin tɛɛ a kɛla teme. A do ka Nɔningɛlon sawa kɛ je, a vɛ kumala mɔɔlu yɛ ka bɛn kitabulu ma,

Kɛkolu 17:4

Jahudiya dɔlu ka la kuma wo la, ani Gɛlɛkika Alaɲasiyanɲɛmɔɔ siyama, ani moso tɔɔlama jilika. Ai bɛ k'ai lɔ Pɔli ni Silasi fɛ.

Kɛkolu 17:6

Ai ma ai ye je mingɛ, ai ka Jason ni limaniyamɔɔ dɔlu mina, k'ai fɔnfɔn ka taa ai le so ɲamɔɔlu ɲakɔlɔ. Ai do tɛɛ gbanɔla, ai vɛɛ: «Mɔɔ minu na dunuɲa bɛ ɲaamina, ai vɛ se maa so kɔnɔ.

Kɛkolu 20:4

Sopatɛ min ka bɔ Beleya, Pilusi denkɛ koni, wo ka taa a malɔ, ani Alisitakusi ni Sekundusi ka bɔ Tɛsalonika, Gayusi ka bɔ Dɛlɛbɛ, Timote, ani Tisiki ni Tolofimu, minu mɔɔ fila ka bɔ Esiya.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Kɛkolu 9:25

Kɛɛ su dɔ lɔ, a kɔbiladennu ka a bila gbɔlɔ lɔ, ka a lajii julu le so jiin kɔma.

1 Tɛsalonikakalu 2:2

Ài do k'a lɔn ne mɔ na tɔlɔya ni jɛvɛli masɔlɔnna teme Filipi so kɔnɔ jani mɔ tɛɛ se ài fɛlɔ. Hali mɔɔ siyama tɛɛ v'i wuli mɔ kanma, mɔ Tii Ala na mɔ josolagbeleyala ka aa Samakan Kein lase ài ma.