Kɛkolu 16:26 - Ala Ya Salatikan Kula Kitabu

²⁶ Telemanin, duukolo ka jaajaa gbiligbili ka kasobon lamaamaa. Wo kɛ, da bɛ la ka ka, ani nɛɛ jɔlɔkɔlu ka bɔ kasodennu bɛ la.

Kɛkolu 16:26 ပူးပေါင်းရင်းမြစ်များ

Matiyu 28:2

Wo waate kelen, duukolo vɛ jaajaala gbiligbili, ado mɔ Tii ya mɛlɛka ka jii ka bɔ haijɛnɛ, ka kawa makulukulu k'a bɔ kabulu da la, ka ban k'i sii a kɔkan.

Kɛkolu 12:10

Ai ka timin lakanaliba kulu kunfɔlɔ la, ka timin a filana la, ka se nɛɛ koon ba ma, min da yi kala ka don so kɔnɔ. Da ba wo la ka ka a jɛlɛ ma ai ɲa. Wo kɛ, ai ka bɔ ka siya dɔ taama damina, ado mɛlɛka ka bɔ Piyɛli fɛ telemanin.

Kɛkolu 12:7

Telemanin, mɔ Tii ya mɛlɛka ka bɔ gbɛ la a yɛ, ado kɛnɛya tɛɛ mɛnɛnna kasobon na. Mɛlɛka ka Piyɛli magbasi a fulu fɛ k'a lakunun, a vɛɛ: «I wuli falafala!» Ado jɔlɔkɔlu ka bɔ a bolo la ka ben duu ma.

Kɛkolu 4:31

Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Kɛkolu 5:19

Kɛɛ su lɔ, mɔ Tii ya mɛlɛka dɔ ka kasobon da laka k'ai labɔ je. A do vɛɛ ai yɛ:

Ko Lankɛnɛmayanin 11:13

Wo waate gbugbu lɔ, duukolo ka jaajaa bakɛ, ado so lɔtala tanna lɔsii ka halaki. Mɔɔ waa wolowulan ka sa ka bɛn duukolojaajaa wo ma. A tɔlu ka siyan bubale ka magbiliyali di sangbolo Tii Ala ma.

Ko Lankɛnɛmayanin 6:12

Ǹ ka Saa Bolan ye tɔɔmase wɔɔlɔna bɔla a ma, ado duukolo ka jaajaa bakɛ. Tele ɲala ka fin iwo sayakasifaani finnin teme mainmain, ani kalo ɲala ka wulɛn iwo jeli kɛnin teme.