Kɛkolu 16:23 - Ala Ya Salatikan Kula Kitabu

²³ Ai wɔlinin ai gbasila bubale, ai k'ai bila kaso la, ani ka jamali di kasobon lakanaliba ma ko a ai lakana kpekpe.

Kɛkolu 16:23 ပူးပေါင်းရင်းမြစ်များ

Matiyu 26:48

Isa janvaba tɛɛ vɛ tɔɔmase jiya jama la, a vɛɛ: «M̀'ɛ ǹ filila mɔɔ min nɔ k'a sumu a tama lɔ, wo tii le. Ài yi wo tii mina.»

Luka 21:12

«Kɛɛ jani ko wo bɛ yi kɛ, mɔɔlu kɛtɔ ài minala k'ài jangata, ani k'ài don Aladalibon ɲamɔɔlu bolo, ani k'ài bila kaso la. Ài do lalɔtɔ jamanatiilu ni masakɛlu ɲakɔlɔ ka bɛn ǹa ko ma.

Kɛkolu 12:18

Kɛnɛ bɔnin, Piyɛli tununko ka sɔdasilu hangili ɲaami bubale.

Kɛkolu 12:4

Piyɛli mina kɔ, a k'a bila kaso la k'a kalifa sɔdasi kulu naani la lakanali boloma, sɔdasi naani tɛɛ min kelenkelenna lɔ. A tɛɛ Helodi kɔnɔ ko Timinkunna Selilon vɛ timinna, a yi Piyɛli ya kiti tɛɛ jama bɛ ɲakɔlɔ.

Kɛkolu 16:27

Kasobon lakanaliba ka kunun mingɛ ka kasobon dalu lakanin ye, a ka aa siyamifan labɔ a jɛlɛ faako lɔ, kamasɔlɔn a tɛɛ a kɔnɔ kasodennu vɛ bɔli.

Kɛkolu 16:36

Wo lɔ, kasobon lakanaliba vɛɛ Pɔli yɛ: «Ɲamɔɔlu vɛ samakan lana ko ka ile ni Silasi bila. Wo ma, ài yi taa hɛlɛ lɔ.»

Kɛkolu 5:18

Wo lɔ saa, ai ka keladennu mina k'ai bila kasobon ba la.

Kɛkolu 5:23

«Mɔ senin kaso la, mɔ na a sɔɔnin yena kobɛn, ka lakanalibalu lɔnin talan dalu la, kɛɛ mɔ na da lakala mingɛ, mɔ ma mɔɔ ye a kɔnɔ.»

Kɛkolu 8:3

Kɛɛ Sawuli tɛɛ a lɔjala ka limaniyajama lɔtiɲa, a vɛ taala bon ni bonnu la ka kɛ́ ni mosolu fɔnfɔn k'ai bila kaso la.

Kɛkolu 9:2

k'a maɲininga sɛvɛli dɔlu ma, fɔsa a yi taa wolu jiya Aladalibon ɲamɔɔlu la Damase so kɔnɔ. Wo lɔ saa, ni a tɛɛ ka kɛ́ ni moso dɔlu ye je, minu tɛɛ Isa ya siya kɔkan, a tɛɛ wolu minale ka na ai silinin ne Jelusalɛmu.

2 Kolɛntikalu 11:23

Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le.

2 Kolɛntikalu 6:5

Waate dɔ, ai yi mɔ gbasila, ka mɔ bila kaso la, ani ka sɔɔnsɔɔn lawuli mɔ kanma. M'i baale gbɛlɛnnu kɛla, ani ka si sunɔɔbaliya lɔ piin, kɔɔn vɛ mɔ la.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

Filemɔn 1:9

kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.