Kɛkolu 16:19 - Ala Ya Salatikan Kula Kitabu

¹⁹ Aa jɔnfalu k'a ye mingɛ ko aiya tɔnɔ sɔlɔnɲa vɛ tiɲa, ai ka Pɔli ni Silasi mina k'ai fɔnfɔn ka taa ai le so tɛma ɲamɔɔlu ɲakɔlɔ.

Kɛkolu 16:19 ပူးပေါင်းရင်းမြစ်များ

Matiyu 24:9

«Wo timinnin kɔ, mɔɔlu kɛtɔ ài donna mɔɔlu bolo, fɔsa ai y'ài jangata k'ài faa. Ài gbeyatɔ dunuɲa siboloma bɛ yɛ ka bɛn ǹa ko ma.

Malɛkɛ 13:9

«Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 14:5

Jahudiyalu ni siboloma gbɛlɛ mɔɔlu ni ai ɲamɔɔlu ka bɛn a ma ko ai yi ben Pɔli ni Baanabasi kan, k'ai bon kawa la k'ai faa.

Kɛkolu 15:22

Wo le k'a kɛ, keladennu ni ɲamɔɔlu ni limaniyajama bɛ k'a latɛɛ ko ai yi kɛ́ dɔlu ta ka wolu lɔ Pɔli ni Baanabasi malɔla Antiyɔsi. Wo lɔ, ai ka Judasi ta (ai tɛɛ a fɔla min ma ko Baasabasi), ani Silasi, minu tɛɛ ɲamɔɔlu le limaniyamɔɔlu tɛma.

Kɛkolu 15:26

Kɛ́ minu n'i banna ai nii lɔ ka bɛn mɔ Tii Masa Tɔɔmasenin Isa tɔɔ le ma.

Kɛkolu 15:40

Kɛɛ Pɔli ka Silasi ta ka bɔ je, limaniyamɔɔlu ban kɔ ai kalifala mɔ Tii ya nɛɛma la.

Kɛkolu 16:16

Lon dɔ, mɔ taatɔla Aladaliya lɔ, jɔnsingbili dɔ ka mɔ labɛn. Jina dɔ tɛɛ a lɔ, min tɛɛ fɛlɛnnikɛ see dila a ma. Aa jɔnfalu tɛɛ tɔnɔ ba le sɔlɔnna ka bɛn a ma.

Kɛkolu 16:20

Ai do k'ai lalɔ Lɔmu ɲamɔɔlu ɲakɔlɔ k'a fɔ, ai vɛɛ: «Mɔɔ minu vɛ maa so ɲaami. Jahudiya le ai le,

Kɛkolu 16:25

Sutala lɔ, Pɔli ni Silasi tɛɛ Ala dalila ka baiti la a yɛ, kasoden tɔlu tolomalɔnin vɛ ai la.

Kɛkolu 16:29

Wo kɛ, kasobon lakanaliba ka fitina makili ka taa Pɔli ni Silasi ma ɲagba le, k'i kɛ ai sen kɔlɔ, a lɔ vɛ jaajaala.

Kɛkolu 17:6

Ai ma ai ye je mingɛ, ai ka Jason ni limaniyamɔɔ dɔlu mina, k'ai fɔnfɔn ka taa ai le so ɲamɔɔlu ɲakɔlɔ. Ai do tɛɛ gbanɔla, ai vɛɛ: «Mɔɔ minu na dunuɲa bɛ ɲaamina, ai vɛ se maa so kɔnɔ.

Kɛkolu 21:30

Wo kɛ, so fan bɛ la ka maamaa. Jama vɛ bɔlila kelen ne k'i kɛ Pɔli kan k'a fɔnfɔn lɔhɔlɔmabonba kɔɔkan, ado ai ka da bɛ latuun telemanin.

Kɛkolu 8:3

Kɛɛ Sawuli tɛɛ a lɔjala ka limaniyajama lɔtiɲa, a vɛ taala bon ni bonnu la ka kɛ́ ni mosolu fɔnfɔn k'ai bila kaso la.

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

2 Kolɛntikalu 6:5

Waate dɔ, ai yi mɔ gbasila, ka mɔ bila kaso la, ani ka sɔɔnsɔɔn lawuli mɔ kanma. M'i baale gbɛlɛnnu kɛla, ani ka si sunɔɔbaliya lɔ piin, kɔɔn vɛ mɔ la.

Filipikalu 1:30

ài vɛ sɛɛ kelen wo kɛla, ài na ǹ yena min nɔ kɔlɔman ne, ani ài y'a mɛnna ko ǹ'i min nɔ bi.

1 Tɛsalonikakalu 2:2

Ài do k'a lɔn ne mɔ na tɔlɔya ni jɛvɛli masɔlɔnna teme Filipi so kɔnɔ jani mɔ tɛɛ se ài fɛlɔ. Hali mɔɔ siyama tɛɛ v'i wuli mɔ kanma, mɔ Tii Ala na mɔ josolagbeleyala ka aa Samakan Kein lase ài ma.

1 Timote 6:10

Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

Janguba 2:6

Kɛɛ àilu koni yi fandannilu lafeyala! Jenelu y'ai fanga siila ài kɔkan, k'ài masama kititɛɛbalu ɲakɔlɔ, ni nafolotiilu tɛ?