Kɛkolu 15:8 - Ala Ya Salatikan Kula Kitabu

⁸ Ala min ka adamaden bɛ josokun lɔn, a v'a lagbɛ ko a bolo siinin siboloma gbɛlɛ mɔɔlu kɔlɔ, kamasɔlɔn a na Nii Sɛnɛyanin dila ai ma iwo a na a dila mɔ ma teme.

Kɛkolu 15:8 ပူးပေါင်းရင်းမြစ်များ

Yohana 21:17

A do k'a fɔ a yɛ a siɲa sawana lɔ, a vɛɛ: «Yohana denkɛ Simɔn, i yi ǹ kanula?» Piyɛli niila ka fin wo lɔ, kamasɔlɔn Isa tɛɛ v'a maɲininga haan fɔɔ siɲa sawa le ni a a kanula. Wo lɔ, a k'a javi, a vɛɛ: «Ǹ Kuntii, i ka ko bɛ lɔn. I k'a lɔn ko ǹ'i kanula.» Isa do vɛɛ a yɛ: «Ǹa saalu balo.

Yohana 5:37

Ado ǹ Fa min na ǹ kelayala, wo gbu yi seleya dila ka bɛn m̀ ma. Kɛɛ ài do ma a kan mɛn ba, kumatɛ ka a ɲakɔlɔla ye.

Kɛkolu 1:24

Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la.

Kɛkolu 10:47

«Mɔɔ minu na Nii Sɛnɛyanin sɔlɔnna iwo ǹu n'a sɔlɔnna teme. Wo lɔ, jene yi se ai dansiila ai makoko la?»

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 15:28

A diyayine Nii Sɛnɛyanin yɛ, ani ǹu gbu, k'a fɔ ko mɔ kà doni gbili sii ài kun, mafɔ diyanigbeya ko minu:

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

Kɛkolu 4:31

Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Hebululu 2:4

k'a talan Ala gbu tɛɛ aiya seleyakan mabamala ka bɛn tɔɔmaselu ni dalajakolu ni kawanankolu ma, ani Nii Sɛnɛyanin ya senkolu, a tɛɛ minu lɔtalala iwo a ka diya a yɛ teme.

Hebululu 4:13

Dannifen suu suu doonnin tɛ Ala ma, mafɔ ai bɛ makolonyine ani k'ai labɔ gbɛ la a ɲakɔlɔ, mɔ kɛtɔ mɔ dandɛɛla ale min yɛ.

Ko Lankɛnɛmayanin 2:23

Ado ǹ kɛtɔ a dennu faala. Wo vɛ kɛla, limaniyajamalu bɛ kɛtɔ a lɔnna ko ǹe le yi mɔɔ bɛ josokun ni ai kɔnɔlɔkolu lasaala, ado ǹ kɛtɔ ài kelenkelenna bɛ salala ka bɛn ài kɛkolu le ma.