Kɛkolu 15:29 - Ala Ya Salatikan Kula Kitabu

²⁹ Ài kà joosɔsoo dɔn, niwotɛ jufaasoo, niwotɛ jeli, ani ài kà kanu kɛ. Ni ài ka ko wolu matanga, wo yi bɛnne. Ala yi to ài fɛ.»

Kɛkolu 15:29 ပူးပေါင်းရင်းမြစ်များ

Luka 9:61

A dɔgbɛlɛ k'a fɔ a yɛ kɔtunun, a vɛɛ: «Ǹ Kuntii, ǹ'i bilale i kɔ, kɛɛ diɲa ǹ'i taa ǹ sala m̀ balamɔɔlu la bene.»

Kɛkolu 15:20

Kɛɛ fɔ m'i sɛvɛ lataa ai ma k'a fɔ ko ai kà joosɔsoo dɔn, ni wotɛ jufaasoo, niwotɛ jeli, ani ai kà kanu kɛ.

Kɛkolu 18:21

A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.

Kɛkolu 21:25

Siboloma gbɛlɛ mɔɔ minu limaniyanin Isa ma koni, mɔ vɛ ban sɛvɛ lataala ai ma fɔsa ai yi maa kolatɛɛnin lɔn, ko ai kà joosɔsoo dɔn, ai kà jeli dɔn, ai kà jufaasoo dɔn, ani ai kà kanu kɛ.»

Kɛkolu 23:30

Ǹ k'a mɛn mingɛ ko janva le lasiinin a ma, ǹ k'a lataa i fɛlɔ telemanin. Ado ǹ k'a fɔ a jalakibalu yɛ, ǹ ko, ai yi taa a makojiya i fɛlɔ.»

2 Kolɛntikalu 11:9

Ǹ tɛɛ ài fɛlɔ waate min nɔ, m̀ mako tɛɛ fen na, wo bɛ n'a kɛ, m̀ ma kɛ mɔɔ kundoni ne. Kamasɔlɔn mɔ badenma minu ka na m̀ ma ka bɔ Masaduwani, wolu le ka m̀ makolu laɲia. Wo ma, m̀ ma diɲa ka ǹ doni sii ài kun boloɲa suu suu ma. A do kɛtɔ ten ne kɔtunun.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

1 Timote 5:22

I k'i lateleja i bololako lɔ mɔɔ kɔkan k'a bila Ala ya baale la. I do fɛ kà kɛ dɔlu ya julumbukolu la. I josokun sɛnɛyanin yi to.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

1 Yohana 5:21

Ǹ dennu, ài y'ài jando ài jɛlɛ lɔ ka bɛn joo batokolu ma.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 2:14

Kɛɛ wo bɛ n'a kɛ, ko minu yi ǹe ni ile wotɛ, wolu le min ne: Mɔɔ dɔlu y'ài tɛma je minu vɛ bila Balaamu ya kalan kɔ, min ka Balaki kalan fɔsa a tɛɛ sɔɔ lasii Bani Isilankalu ɲa, k'ai bila joosɔsoo dɔnna, ani kanukɛko la.

Ko Lankɛnɛmayanin 2:20

Kɛɛ wo bɛ n'a kɛ, ko min yi ǹe ni ile wotɛ, wo le min ne: I vɛ bila moso wo kɛkolu fɛ, Jɛzɛbɛli koni, min y'a fɔla a jɛlɛ ma ko kela mosomanda. A do yi ǹa bɔidennu lafilila aa kalan ne, k'ai bila kanukɛko ni joosɔsoo dɔnko la.