Kɛkolu 15:23 - Ala Ya Salatikan Kula Kitabu

²³ Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 15:23 ပူးပေါင်းရင်းမြစ်များ

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 11:20

Kɛɛ Jahudiya kɛ́ dɔlu ka bɔ Sipele ni Silɛni ka se Antiyɔsi. Ai do vɛ mɔ Tii Isa ya Samakan Kein lasena siboloma gbɛlɛ mɔɔlu fana ma.

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 15:1

Wo kɔ, kɛ́ dɔlu ka na Antiyɔsi ka bɔ Jude koovi lɔ, minu tɛɛ limaniyamɔɔlu kalanna, ai vɛɛ: «Ni ài ma kɛnɛkɛ ka bɛn Nabi Musa ya laana ma, ài tɛnala sena kisila.»

Kɛkolu 15:2

Wo lɔ, sɔsɔyali ba ka don kalanmɔɔ wolu ani Pɔli ni Baanabasi wotɛ. Wo le k'a kɛ, limaniyajama ka Pɔli ni Baanabasi ta, ani ai lɔ mɔɔ dɔlu, k'ai bɛ lataa Jelusalɛmu fɔsa ai yi ko min lase keladennu ni ɲamɔɔlu ma.

Kɛkolu 15:22

Wo le k'a kɛ, keladennu ni ɲamɔɔlu ni limaniyajama bɛ k'a latɛɛ ko ai yi kɛ́ dɔlu ta ka wolu lɔ Pɔli ni Baanabasi malɔla Antiyɔsi. Wo lɔ, ai ka Judasi ta (ai tɛɛ a fɔla min ma ko Baasabasi), ani Silasi, minu tɛɛ ɲamɔɔlu le limaniyamɔɔlu tɛma.

Kɛkolu 15:4

Ai ka se mingɛ Jelusalɛmu, limaniyajama ni keladennu ni ɲamɔɔlu k'ai bolo sii ai kɔlɔ. Pɔli nu do ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ.

Kɛkolu 15:41

Wo lɔ, ai ka Siliya ni Silisiya koovilu lɔtimin, ai vɛ limaniyajamalu sɛmɛdonna fan bɛ lɔ.

Kɛkolu 18:18

Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ.

Kɛkolu 21:25

Siboloma gbɛlɛ mɔɔ minu limaniyanin Isa ma koni, mɔ vɛ ban sɛvɛ lataala ai ma fɔsa ai yi maa kolatɛɛnin lɔn, ko ai kà joosɔsoo dɔn, ai kà jeli dɔn, ai kà jufaasoo dɔn, ani ai kà kanu kɛ.»

Kɛkolu 21:3

Mɔ masulunyanin kɔɔtɛmaduu dɔ la, min tɔɔ yi ko Sipele, mɔ ka timin a la bolokini fannɔ. Wo kɔ, mɔ ka se Siliya koovi lɔ k'i lɔ Tili so kɔnɔ, kulunkɔnɔ donilu la tɛɛ ka kan ka jii tɛɛminja.

Kɛkolu 23:26

«Ǹe Kulodi Lisiya le yi sɛvɛ min lataala jamanatii ba Felisi ma. Ǹ'i fola.

Kɛkolu 6:9

Kɛɛ a dɔlu k'i wuli Etiyɛn sɔsɔla. Ai bɛ bɔnin tɛɛ Aladalibon kelen ne la, ai tɛɛ a fɔla min ma ko Mɔɔ Lafɛlɛnilu ya Aladalibon. A dɔlu bɔnin tɛɛ Silɛni ni Alɛzandele solu la, ani Silisiya ni Esiya koovilu lɔ.

Galatiyakalu 1:21

Wo kɔ, ǹ ka taa Siliya ni Silisiya koovilu lɔ.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

2 Yohana 1:10

Ni mɔɔ dɔ ka na ài fɛlɔ min ya kalan bɛnnin tɛ min ma, ài kà wo tii ma jiya, kumatɛ k'a fo,

2 Yohana 1:13

Ala na i badenmamoso min tala ka kɛ a ta le, wo dennu i fola.

2 Yohana 1:3

Mɔ Fa Ala ni a Denkɛ Masa Tɔɔmasenin Isa yi nɛɛma kɛ mɔ yɛ, ka hena mɔ la, ka mɔ josolajii, tuɲandeya ni kanundeya lɔ.

3 Yohana 1:14

Ǹ jii yi ǹ nako ma i fɛlɔ jona, ado mɔ kɛtɔ kumala ɲa ni ɲa.