Kɛkolu 15:20 - Ala Ya Salatikan Kula Kitabu

²⁰ Kɛɛ fɔ m'i sɛvɛ lataa ai ma k'a fɔ ko ai kà joosɔsoo dɔn, ni wotɛ jufaasoo, niwotɛ jeli, ani ai kà kanu kɛ.

Kɛkolu 15:20 ပူးပေါင်းရင်းမြစ်များ

Kɛkolu 15:29

Ài kà joosɔsoo dɔn, niwotɛ jufaasoo, niwotɛ jeli, ani ài kà kanu kɛ. Ni ài ka ko wolu matanga, wo yi bɛnne. Ala yi to ài fɛ.»

Kɛkolu 21:25

Siboloma gbɛlɛ mɔɔ minu limaniyanin Isa ma koni, mɔ vɛ ban sɛvɛ lataala ai ma fɔsa ai yi maa kolatɛɛnin lɔn, ko ai kà joosɔsoo dɔn, ai kà jeli dɔn, ai kà jufaasoo dɔn, ani ai kà kanu kɛ.»

1 Kolɛntikalu 5:11

Kɛɛ tandainɔ yi ne, ǹ'a sɛvɛla k'a lagbɛ ài yɛ, ǹ ko, ni mɔɔ dɔ y'ài tɛma min y'a fɔla a jɛlɛ ma ko ài badenma le a le, k'a talan wo tii yi kanukɛba le le, niwotɛ nataba, niwotɛ joosɔba, niwotɛ jɛvɛlikɛba, niwotɛ gbɛtɔ, niwotɛ gbanan, wo vɛ kɛla, diɲɔɔya ka don àilu ni wo tii tɛma feu! Hali ka dɔnni kɛ wo tii fɛ, ài kà wo kɛ.

1 Kolɛntikalu 6:13

Mɔɔ dɔlu fana y'a fɔla, ai vɛɛ: «Dɔnnifen dinin kɔnɔgbolo le ya ko lɔ, ani kɔnɔgbolo dinin dɔnnifen ne ya ko lɔ.» Tuɲa le, kɛɛ Ala kɛtɔ fen fila wo bɛ le halakila. Mɔɔ falikolo koni la ma dan kanukɛko lɔ, kamasɔlɔn mɔ Tii ta le falikolo le, ado falikolo fana ta le mɔ Tii le.

1 Kolɛntikalu 6:18

Ài yi bɔli kanukɛko ma feu! Ka bɔ kanukɛko kɔ, ni mɔɔ ka hakɛ suu gbɛlɛ ta, wo tɛ a falikolo ya ko le. Kɛɛ kanukɛba yi hakɛ tala ale jɛlɛkanu falikolo le la.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

1 Kolɛntikalu 7:2

Ka bɛn kanukɛko ma, a bɛnyine kɛ́ kelenkelenna bɛ y'a jɛlɛkanu moso fulu, ani moso kelenkelenna bɛ fana y'a sii a jɛlɛkanu kɛ́ kun.

1 Kolɛntikalu 8:1

Ài na ɲiningali min kɛla ǹ na ka bɛn joosɔsoo dɔnko ma, ài m'i ɲa kaa wo lɔ vɛ. Mɔ k'a lɔn ne ko lɔnni yi mɔ bɛ fɛ ka bɛn ko min ma. Kɛɛ do, lɔnni wo suu yi mɔɔ fannɔbuɲala, k'a talan kanundeya le yi dɔlu lasawatila.

2 Kolɛntikalu 12:21

M̀'ɛ siyan fana k'a fɔ ko m̀'ɛ nala ài fɛlɔ kɔtunun, ǹ Tii Ala kana ǹ lafeya ài ɲakɔlɔ, ani ǹ kana josomakasi masɔlɔn ka bɛn mɔɔ siyama ya ko ma, minu tɛɛ julumbu tala kɔlɔman ne, kɛɛ ai ma ai dajoo mafalin ka bɔ aiya kokɔsɔninnu ma, ani kanukɛkolu, ani malobaliyakolu.

Galatiyakalu 5:19

Adamaden falikolo ladiyanankolu lankɛnɛmayanin gbesekele: kanukɛko, kokɔsɔnin, malobaliya,

Ɛfɛsikalu 5:3

Kɛɛ kanukɛko, ni kokɔsɔnin suu suu, ni natabaya, wolu foi tɔɔ kà fɔ ài tɛma, kamasɔlɔn ko wolu bɛnnin tɛ mumininnu ma.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

1 Tɛsalonikakalu 4:3

Ala a fɛ le ài yi kɛ mɔɔ sɛnɛyanin ne k'ài matanga kanukɛko ma feu.

Hebululu 12:16

Ài y'ài jando ài jɛlɛ lɔ, fɔsa ài suu suu kana kɛ kanukɛba le, niwotɛ Alabuɲabali le iwo Esawu, min ka aa kɔlɔya fele kunan kelen ko lɔ.

Hebululu 13:4

Fɔ bɛ yi fulu buɲa, ado fuluɲɔɔmalu ya lafen ma kà kɔsɔ, kamasɔlɔn Ala kɛtɔ jalon ni kanukɛbalu latɔnna.

1 Piyɛli 4:3

Tuɲa le, ài na waate min kɛla Alalɔnbalilu ladiyanankolu la kɔlɔman ne, wo vɛ je bɔ, iwo ài tɛɛ malobaliyakolu kɛla teme, ani niikanuko yonnu, ani gbɛtɔya, ani dannatimin tolonnu, ani joo kɔsɔninnu sɔko.

Ko Lankɛnɛmayanin 10:2

Kafa dɔɔmanin tɛɛ a bolo, min dakanin tɛɛ. A k'a bolokini sen bila kɔɔji kɔkan, k'a bolonunma sen bila duukolo kɔkan.

Ko Lankɛnɛmayanin 10:8

Wo kɔ, ǹ ka kumakan min mɛn ka bɔ haijɛnɛ, wo do vɛɛ ǹ yɛ kɔtunun: «Taa, i yi kafa dakanin mina mɛlɛka la, min lɔnin kɔɔji ni duukolo kɔkan.»

Ko Lankɛnɛmayanin 2:14

Kɛɛ wo bɛ n'a kɛ, ko minu yi ǹe ni ile wotɛ, wolu le min ne: Mɔɔ dɔlu y'ài tɛma je minu vɛ bila Balaamu ya kalan kɔ, min ka Balaki kalan fɔsa a tɛɛ sɔɔ lasii Bani Isilankalu ɲa, k'ai bila joosɔsoo dɔnna, ani kanukɛko la.

Ko Lankɛnɛmayanin 2:20

Kɛɛ wo bɛ n'a kɛ, ko min yi ǹe ni ile wotɛ, wo le min ne: I vɛ bila moso wo kɛkolu fɛ, Jɛzɛbɛli koni, min y'a fɔla a jɛlɛ ma ko kela mosomanda. A do yi ǹa bɔidennu lafilila aa kalan ne, k'ai bila kanukɛko ni joosɔsoo dɔnko la.

Ko Lankɛnɛmayanin 9:20

Kɛɛ adamaden tɔ minu tɛɛ ma faa jangata wolu bolo, wolu m'ai dajoo mafalin ka bɔ ai baaledalu ma. Ai do ka to jinalu le batola ani joo minu ladannin sanu ni wɔligbɛ ni solawulɛnnɛɛ ni kawakulun ni jililu le, k'a talan fen wolu tɛ yeni kɛla, ai tɛ ko mɛnna, ai do tɛ taamana.