Kɛkolu 15:1 - Ala Ya Salatikan Kula Kitabu

¹ Wo kɔ, kɛ́ dɔlu ka na Antiyɔsi ka bɔ Jude koovi lɔ, minu tɛɛ limaniyamɔɔlu kalanna, ai vɛɛ: «Ni ài ma kɛnɛkɛ ka bɛn Nabi Musa ya laana ma, ài tɛnala sena kisila.»

Kɛkolu 15:1 ပူးပေါင်းရင်းမြစ်များ

Yohana 7:22

Nabi Musa na kɛnɛkɛko jamali dila ài ma, k'a talan mɔ bemanu le na kɛnɛkɛko daminala, Nabi Musa tɛ. Wo le n'a kɛla, hali Nɔningɛlon gbu, ài y'ài denkɛlu makɛnɛkɛla.

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 15:22

Wo le k'a kɛ, keladennu ni ɲamɔɔlu ni limaniyajama bɛ k'a latɛɛ ko ai yi kɛ́ dɔlu ta ka wolu lɔ Pɔli ni Baanabasi malɔla Antiyɔsi. Wo lɔ, ai ka Judasi ta (ai tɛɛ a fɔla min ma ko Baasabasi), ani Silasi, minu tɛɛ ɲamɔɔlu le limaniyamɔɔlu tɛma.

Kɛkolu 15:23

Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 15:24

Mɔ n'a mɛnna ko mɔɔ dɔlu bɔnin mɔ tɛma ka taa ài ɲagba kuma dɔ le, min n'ài kɔnɔlɔfilila. Ǹu do ma wolu lataa ài ma.

Kɛkolu 15:3

Limaniyajama k'ai lasalanna, ai do ka Fenisi ni Samaliya koovilu lɔtimin, ai v'a ɲafɔla je limaniyamɔɔlu yɛ ko siboloma gbɛlɛ mɔɔlu vɛ tube. Wo ka diya wolu yɛ kosɛvɛ.

Kɛkolu 15:32

Judasi ni Silasi, minu gbu taanin kɛla kelalu le, wolu k'ai sɛmɛdon ani k'ai lasawati kuma siyama le.

Kɛkolu 15:5

Kɛɛ limaniyamɔɔ dɔlu tɛɛ je, minu fɛ tɛɛ Falisilu la. Ai do k'i lɔ k'a fɔ, ai vɛɛ: «Siboloma gbɛlɛ mɔɔ minu limaniyanin Isa ma, fɔ wolu lɔ kɛ́lu yi kɛnɛkɛ, ani m'ai jamali Nabi Musa ya seliya latelenko la.»

Kɛkolu 21:20

Wo mɛn ai bolo, ai vɛ Ala tanula. Ai do vɛɛ Pɔli yɛ: «Mɔ badenma, i v'a ye ko Jahudiya mɔɔ waa jilika vɛ limaniya Isa ma jan teme. Ai bɛ tɛsilinin Nabi Musa ya seliya lakanako la.

Kɛkolu 6:14

Kamasɔlɔn mɔ na a kan mɛnna ko Nazalɛtika Isa kɛtɔ lɔhɔlɔmabonba min tela ka maa laanalu mafalin, Nabi Musa na minu dila mɔ bemanu ma.»

Galatiyakalu 2:1

San tan ni naani (14) timinnin, ǹe ni Baanabasi ka taa Jelusalɛmu kɔtunun, ado ǹ ka Tite fana bila mɔ fɛ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Galatiyakalu 6:12

Mɔɔ minu yi buɲali ɲininna mɔɔlu bolo, wolu y'a fɛ ka diyanigbeya la ài kɔkan kɛnɛkɛko lɔ. Ai do yi wo la dein fɔsa ai kana jangata masɔlɔn ka bɛn Masa Tɔɔmasenin gbaankɔlɔman ma.

Kɔlɔsikalu 2:16

Wo lɔ, ài kà diɲa mɔɔ suu suu y'ài kiti ka bɛn dɔnnifen ni minnifen ya ko ma, niwotɛ selilon dɔ, niwotɛ kalo kula selilon, niwotɛ Nɔningɛlon ya ko.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.