Kɛkolu 14:22 - Ala Ya Salatikan Kula Kitabu

²² Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

Kɛkolu 14:22 ပူးပေါင်းရင်းမြစ်များ

Matiyu 10:38

Ni do mɔɔ min ma diɲa a jɛlɛkanu gbaankɔlɔman tako ma ka bila ǹ kɔ, wo tii ni ǹa kɔbiladenya kaannin tɛ.

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 19:24

Ǹ'a fɔ ài yɛ kɔtunun, ka ɲɔɔmɛ latimin sɛɛlan woo la, wo nɔyayine ka timin nafolotii donko la Ala ya masaya lɔ.»

Malɛkɛ 10:30

wo tii kɛtɔ wolu ɲɔɔzii kɛmɛ (100) le sɔlɔnna dunuɲa min nɔ. A kɛtɔ bonnu sɔlɔnna, ani badenmalu, ani wolobalu, ani dennu, ani sɛnɛlu, ani jangatalu fana. Dunuɲa natɔ lɔ, a kɛtɔ niimaya banbali sɔlɔnna.

Malɛkɛ 9:47

Ni i ɲaden kelen k'i lɔ julumbu tala, i y'a bɔ a lɔ k'a lafili, kamasɔlɔn ni i ɲakelentɔ ka don Ala ya masaya lɔ, wo le fisayanin i ma jani i ɲafilatɔ la yi fili jahanama,

Luka 24:26

Jalasa kelalu m'a sɛvɛ ko Masa Tɔɔmasenin ka kan ka tɔlɔya minu masɔlɔn kunfɔlɔ le, jani a yi don aa magbiliyali lɔ?»

Yohana 15:18

«Ni ài ka gbeya dunuɲa yɛ, ài y'a lɔn ko ǹe le gbeyanin a yɛ kunfɔlɔ le.

Yohana 15:20

Ǹ na min fɔla ài yɛ kɔlɔkɔlɔ le, ài hangili yi to wo lɔ, ǹ ko: ‹Jɔn tɛ buɲa sɔlɔnna ka timin aa jɔnfa la.› Ni ai na ǹ jangatala, ai kɛtɔ àilu fana jangatala. Kɛɛ ni ai na ǹ kumakannu labatola, ai kɛtɔ ài kumakannu labatola fana.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 11:26

A k'a ye mingɛ, a ka na a le Antiyɔsi. Ai ka san kelen kɛ je, ai vɛ ladɛn kɛla limaniyajama fɛ ka mɔɔ siyama kalan. Antiyɔsi sokɔnɔmɔɔlu le k'a fɔ Isa kɔbiladennu ma kunfɔlɔ le ko Keletiyɛnnu.

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 14:20

Kɛɛ Isa kɔbiladennu ka na a laminin mingɛ, Pɔli k'i wuli ka seikɔ so kɔnɔ. Wo dusagbɛlon, Pɔli ni Baanabasi ka bɔ je ka taa Dɛlɛbɛ.

Kɛkolu 14:28

Ai do ka waate jaan kɛ Isa kɔbiladennu fɛ je.

Kɛkolu 15:32

Judasi ni Silasi, minu gbu taanin kɛla kelalu le, wolu k'ai sɛmɛdon ani k'ai lasawati kuma siyama le.

Kɛkolu 15:41

Wo lɔ, ai ka Siliya ni Silisiya koovilu lɔtimin, ai vɛ limaniyajamalu sɛmɛdonna fan bɛ lɔ.

Kɛkolu 18:23

A wɔlinin waate dɔ kɛla je, a ka Galatiya ni Filigiya koovilu lɔtimin, a vɛ Isa kɔbiladennu bɛ sɛmɛdonna.

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 1:8

A do kɛtɔ a kɛla, ài bamanin totɔ haan fɔɔ a laban na, fɔsa ài yi kɛ jalakibali le mɔ Tii Masa Tɔɔmasenin Isa ya lon na.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

1 Tɛsalonikakalu 3:13

Mɔ Tii y'ài joso bama fɔsa ài yi kɛ mɔɔ sɛnɛyanin ni jalakibali le mɔ Fa Ala ɲakɔlɔ, mɔ Tii Isa vɛ nala lon min na aa mumininnu bɛ fɛ.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

2 Timote 3:12

Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.

1 Piyɛli 2:21

Ài kilinin wo le kanma, kamasɔlɔn Masa Tɔɔmasenin gbu le na tɔlɔya masɔlɔnna ka bɛn àiya ko ma, ka wo kɛ misali le ài yɛ, fɔsa àilu gbu yi taama a sennɔ lɔ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Piyɛli 5:9

Ài y'ài lɔ Soitana ɲa kili limaniya lɔ, kamasɔlɔn ài v'a lɔn ko ài badenma minu jɛzɛnnin dunuɲa fan bɛ lɔ, wolu yi tɔlɔya wo suu bɛ dɔ le masɔlɔnna fana.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.