Kɛkolu 14:21 - Ala Ya Salatikan Kula Kitabu

²¹ Pɔli ni Baanabasi ka Samakan Kein lase so wo kɔnɔ ka mɔɔ siyama kɛ Isa kɔbiladen ne je. Wo kɔ, ai ka bɔ je ka seikɔ Lisitile, ka bɔ je ka taa Ikoniyɔmu, ka bɔ je ka taa Antiyɔsi, min yi Pisidi koovi lɔ.

Kɛkolu 14:21 ပူးပေါင်းရင်းမြစ်များ

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Kɛkolu 13:14

Ai bɔnin Pɛlɛga, ai ka se Antiyɔsi so kɔnɔ, min yi Pisidi koovi lɔ. Nɔningɛlon senin, ai ka don Aladalibon na k'i sii.

Kɛkolu 13:51

Ai mɔɔ fila bɔtɔla je, ai k'ai sennu magbasi ka gbangban bɔ ai ma, ka wo kɛ je mɔɔlu ban tɔɔmase le. Wo kɔ, ai ka taa Ikoniyɔmu so la.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 14:15

«Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 14:26

Ai ka don kulunba kɔnɔ Ataliya ka seikɔ Antiyɔsi, limaniyajama tɛɛ vɛ ai kalifa Ala ya nɛɛma la tɛɛminja ka bɛn baale ma, ai na min kɛla ka dafa.

Kɛkolu 14:6

Pɔli ni Baanabasi ka kɛ wo kalama mingɛ, ai vɛ bɔlila ka taa Laikoni koovi lɔ, Lisitile ni Dɛlɛbɛ ani so wolu laminin nɔ.

Kɛkolu 14:7

Ai do ka to Samakan Kein lasena dingila wolu lɔ.

Kɛkolu 14:8

Wo k'a talan kɛ́ dɔ tɛɛ Lisitile so kɔnɔ, min sɔlɔnnin namalaniya lɔ, a do tɛɛ ma taama ba tuun.

Kɛkolu 15:36

Tele dana timin kɔ, Pɔli vɛɛ Baanabasi yɛ: «Mɔ na mɔ Tii kumakan lasena so minu la, ài m'i kɔsei wolu kelenkelenna bɛ lɔ ka mɔ badenmalu kɛɲa lɔn.»

Kɛkolu 16:2

Limaniyamɔɔlu bɛ tɛɛ Timote tɔɔ ɲuma le fɔla Lisitile ni Ikoniyɔmu solu kɔnɔ.

Kɛkolu 2:47

Ai tɛɛ Ala tanula waate bɛ, ai do kokɛɲa tɛɛ mɔɔ bɛ josolajiila. Lon lon, mɔ Tii tɛɛ mɔɔlu lakisila k'ai bɔ aiya julumbulu lɔ, ka wolu kafon mɔɔ lakisininnu kɔkan.

2 Timote 3:11

I do k'a lɔn ǹ na jangata ni tɔlɔya minu masɔlɔnna Antiyɔsi so kɔnɔ, ani Ikoniyɔmu, ani Lisitile. Ǹ na jangata suu siyama le manɔla feu! Kɛɛ mɔ Tii na ǹ lakisila ka ǹ kun bɔ wo bɛ lɔ.