Kɛkolu 14:15 - Ala Ya Salatikan Kula Kitabu

¹⁵ «Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 14:15 ပူးပေါင်းရင်းမြစ်များ

Matiyu 16:16

Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Yohana 5:26

Kamasɔlɔn Fa yi niimayatii le teme, a v'a Denkɛ kɛ niimayatii le wo boloɲa kelen ne ma.

Yohana 7:18

Mɔɔ min yi kumala a jɛlɛkanu ya seetiiya lɔ, wo tii yi mɔɔlu ya buɲali le kɔ. Kɛɛ mɔɔ min y'a kelaba ya buɲali kɔ, wo tii le tuɲande le, a do tɛ faɲa suu suu fɔla.

Kɛkolu 10:26

Kɛɛ Piyɛli k'a lawuli k'a fɔ a yɛ, a vɛɛ: «I wuli, ǹ'i mɔɔnivin ne le iwo ile gbu.»

Kɛkolu 13:32

Ǹu do yi wo le Samakan Kein lasena ài ma yi ne, k'a fɔ ko Ala na lahedi min tala mɔ bemanu yɛ,

Kɛkolu 14:21

Pɔli ni Baanabasi ka Samakan Kein lase so wo kɔnɔ ka mɔɔ siyama kɛ Isa kɔbiladen ne je. Wo kɔ, ai ka bɔ je ka seikɔ Lisitile, ka bɔ je ka taa Ikoniyɔmu, ka bɔ je ka taa Antiyɔsi, min yi Pisidi koovi lɔ.

Kɛkolu 14:7

Ai do ka to Samakan Kein lasena dingila wolu lɔ.

Kɛkolu 16:30

A do ka Pɔli ni Silasi labɔ banama k'ai maɲininga, a vɛɛ: «Ǹ kuntiilu, ǹ'i mindɛ kɛ fɔsa ǹ'i kisi?»

Kɛkolu 27:10

«Ǹ tɔvalu, m̀'ɛ a ye ko ka damina jannɔ ma, maa kulunnɔtaamanko kɛtɔ kɛla masuwako ba le le. Mɔ do bɔnɔtɔle maa donilu ni kulun na, ani ǹu gbu nunakili.»

Kɛkolu 27:21

A lɔ tɛɛ vɛ mɛn, ai tɛɛ ma fen dɔn ba. Wo lɔ, Pɔli k'i lɔ ai tɛma k'a fɔ ai yɛ, a vɛɛ: «Ǹ tɔvalu, a tɛɛ fisayale ni ài tɛɛ ài tolomalɔ ǹ kumakan na, k'a fɔ ko mɔ kà bɔ Kɛlɛti. M'i tɔlɔya ni bɔnɔ min nɔ bi, ni ài tɛɛ vɛ ài tolomalɔla ǹ na, koyon min foi tɛɛ tɛ mɔ masɔlɔn.

Kɛkolu 27:25

Wo lɔ saa, ǹ tɔvalu, ài josolagbeleyanin yi to. Ǹ limaniyanin Ala ma ko a kɛtɔle iwo mɛlɛka n'a fɔla ǹ yɛ teme.

Kɛkolu 4:24

Ai ka wo mɛn mingɛ, ai bɛ vɛ Ala dalila miliya kelen nɔ, ai vɛɛ: «Mɔ Tii, ile min na sangbolo ladanna ani duukolo ni kɔɔji ani ai kɔnɔlɔfen bɛ,

Kɛkolu 7:26

Wo kɛnɛbɔlon, Musa ka Bani Isilanka kɛ́ fila bilanin ye i ɲɔɔ na. A do k'i lɔja k'ai wotɛbɛn, a vɛɛ: ‹Badenma le ài le, mindɛ kɛnin ài yi koyon kɛla i ɲɔɔ na tan?›

1 Kolɛntikalu 8:4

Wo lɔ saa, ka bɛn joosɔsoo dɔnko ma, mɔ k'a lɔn ne ko joo tɛ foi le dunuɲa, ani ko tii o tii tɛ je fɔ Ala kelenpesa.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

1 Tɛsalonikakalu 1:9

Kamasɔlɔn mɔɔ wolu gbugbu le yi ko minu dandɛɛli kɛla, ài n'ài bolo siila mɔ kɔlɔ teme, ani ài n'ài kɔdonna joolu la teme ka baale kɛ Ɲɛnɛmayatii Ala yɛ, min kɛnin Ala bɛlɛbɛlɛ le.

1 Timote 3:15

ni ko ka m̀ matamala, i y'a lɔn Ala ya bon dongolu ka kan ka taama teme, minu kɛnin Ɲɛnɛmayatii Ala ya limaniyajama le, tuɲa jusiinin min kɔkan k'a bama.

Hebululu 3:12

M̀ badenmalu, ài y'ài jando ài jɛlɛ lɔ, alako miliya yon ni limaniyabaliya kana don ài suu suu josokun nɔ, min yi kɛ sabu le k'ài mataa Ɲɛnɛmayatii Ala la.

Janguba 5:17

Nabi Iliya tɛɛ mɔɔnivin jɛlɛla le le iwo ǹu, kɛɛ a ka Ala dali kosɛvɛ ko san kà na, ado san ma na duukolo kɔkan sanji sawa kalo wɔɔlɔ kɔlɔ.

Ko Lankɛnɛmayanin 14:7

A do tɛɛ a fɔla kan ba lɔ, a vɛɛ: «Ài yi siyan Ala ɲa k'a magbiliya, kamasɔlɔn aa kititɛɛ waate vɛ se. Ài y'a bato, ale min na sangbolo ni duukolo ladanna, ani kɔɔji ni falakɔɔlu.»

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.

Ko Lankɛnɛmayanin 19:19

Ǹ ka soofali ni dunuɲa masalu ani aiya kɛlɛkɛjamalu ladɛnnin ye, fɔsa ai yi kɛlɛ bila soo gbɛ labɔliba la, wo ni aa kɛlɛkɛjama.

Ko Lankɛnɛmayanin 22:9

Kɛɛ wo do vɛɛ ǹ yɛ: «I kà wo kɛ dɛ! Ǹe fana yi bɔiden ne le iwo ile, ani i badenma kela tɔlu, ani mɔɔ minu bolo kɛnin kitabu min kɔnɔ kumalu la. I yi Ala le bato dein!»

Ko Lankɛnɛmayanin 4:11

«Maa Faama ani mɔ Tii Ala, ile ni magbiliyali ni buɲali ni seetiiya le kaannin. Kamasɔlɔn ile le na fen bɛ danna, ado fen bɛ dannin ani fen bɛ yi je ka bɛn i sawonanko le ma.»