Kɛkolu 13:50 - Ala Ya Salatikan Kula Kitabu

⁵⁰ Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 13:50 ပူးပေါင်းရင်းမြစ်များ

Matiyu 10:23

Ni ai k'ài tɔlɔya so dɔ la, ài yi bɔli ka taa so gbɛlɛ la. Ǹ'i tuɲa fɔ ài yɛ, ài tɛnala banna Isilan jamana so bɛ lɔtaamana, ni Mɔɔnivin Tanin m'a kɔsei.

Malɛkɛ 15:43

Wo k'a talan, mɔɔba dɔ tɛɛ je, min fɛ tɛɛ kititɛɛjama la, ai tɛɛ a fɔla min ma ko Jusufu Alimateka. A do tɛɛ Ala ya masaya waate makɔnɔna. Jusufu k'a josolagbeleya ka taa Pilati fɛlɔ ko a yi Isa fuleni don a bolo.

Malɛkɛ 5:17

Wo kɛ, ai vɛ Isa madiyala ko a yi bɔ ai makɛya lɔ.

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 13:45

Jahudiyalu ka jama wo ye mingɛ, wo ɲangbeya k'ai mina. Ai do ka Pɔli kumakan sɔsɔ damina k'a jɛvɛ.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 14:2

Kɛɛ Jahudiya minu k'i ban limaniya la, wolu ka siboloma gbɛlɛ mɔɔlu lɔsun limaniyamɔɔlu kanma.

Kɛkolu 14:4

Ado sokɔnɔmɔɔlu ka falan a ma: a fan kelen tɛɛ Jahudiyalu fɛ, a fan kelen vɛ Isa ya keladennu fɛ.

Kɛkolu 14:5

Jahudiyalu ni siboloma gbɛlɛ mɔɔlu ni ai ɲamɔɔlu ka bɛn a ma ko ai yi ben Pɔli ni Baanabasi kan, k'ai bon kawa la k'ai faa.

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 17:12

Wo le k'a kɛ, Jahudiya wolu siyama ka limaniya, ani Gɛlɛkika tɔɔlama siyama, kɛ́lu ni mosolu.

Kɛkolu 17:13

Kɛɛ Tɛsalonika Jahudiyalu k'a mɛn mingɛ ko Pɔli yi Ala kumakan lasena Beleya, ai vɛ taala je ka jama lɔsun ka mangan lawuli.

Kɛkolu 17:17

A do tɛɛ taala Aladalibon na je ka kuma Jahudiyalu yɛ, ani siboloma gbɛlɛ minu tɛɛ siyanna Ala ɲa. Lon bɛ, a tɛɛ taala bala lɔ fana ka kuma mɔɔlu yɛ minu tɛɛ kɛla je.

Kɛkolu 17:4

Jahudiya dɔlu ka la kuma wo la, ani Gɛlɛkika Alaɲasiyanɲɛmɔɔ siyama, ani moso tɔɔlama jilika. Ai bɛ k'ai lɔ Pɔli ni Silasi fɛ.

Kɛkolu 18:7

Wo lɔ, Pɔli ka bɔ je ka taa kɛ́ dɔ ya bon na, min tɔɔ tɛɛ ko Titiyɔ Jusitusi. Siboloma gbɛlɛ le tɛɛ a le min tɛɛ siyanna Ala ɲa. Ado aa bon tɛɛ Aladalibon dafɛ.

Kɛkolu 2:5

Wo k'a talan, Jahudiya siyama jiyanin tɛɛ Jelusalɛmu, minu tɛɛ Alaɲasiyanɲɛmɔɔlu le ka bɔ dunuɲa jamana bɛ lɔ.

Kɛkolu 21:27

Tele wolowulan wo bantɔla, Jahudiya dɔlu ka bɔ Esiya koovi lɔ, wolu ka Pɔli ye lɔhɔlɔmabonba la ka jama lɔsun a kanma k'a mina.

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Kɛkolu 6:12

Wo boloɲa ma, ai ka sokɔnɔmɔɔlu ni kɛmɔbalu ani seliya kalanmɔɔlu lɔsun Etiyɛn kanma. Ai do k'i kɛ a kan ka taa a lalɔ kititɛɛjama ɲakɔlɔ.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

Lɔmukalu 10:2

Ǹ taanin kɛla sele le ka bɛn aiya ko ma, ko ai tɛsiliyine ka bɛn Ala ko ma, kɛɛ koɲaye t'ai bolo.

2 Kolɛntikalu 11:26

M̀'ɛ waate siyama kɛ taamana masuwakolu dakɔlɔ ka bɛn kɔɔtɛɛko ma, ani benkannikɛbalu, ani ǹ jɛlɛkanu mɔɔlu, ani siboloma gbɛlɛ mɔɔlu. Ǹ tɛɛ masuwakolu le dakɔlɔ solu kɔnɔ, ani tuu kɔlɔ, ani kɔɔji kɔkan, ani ka bɛn faɲafɔ badenmalu ma.

1 Tɛsalonikakalu 2:14

Mɔ badenmalu, ài n'ài sumala Ala ya limaniyajamalu le ma Jude koovi lɔ, minu yi Masa Tɔɔmasenin Isa ya kafonɲɔɔya lɔ. Kamasɔlɔn ài na jangata masɔlɔnna àiya jamanamɔɔlu bolo, iwo dɔ wolu na tɔlɔyala Jahudiyalu bolo teme.

2 Timote 3:11

I do k'a lɔn ǹ na jangata ni tɔlɔya minu masɔlɔnna Antiyɔsi so kɔnɔ, ani Ikoniyɔmu, ani Lisitile. Ǹ na jangata suu siyama le manɔla feu! Kɛɛ mɔ Tii na ǹ lakisila ka ǹ kun bɔ wo bɛ lɔ.