Kɛkolu 13:45 - Ala Ya Salatikan Kula Kitabu

⁴⁵ Jahudiyalu ka jama wo ye mingɛ, wo ɲangbeya k'ai mina. Ai do ka Pɔli kumakan sɔsɔ damina k'a jɛvɛ.

Kɛkolu 13:45 ပူးပေါင်းရင်းမြစ်များ

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 27:18

Pilati tɛɛ k'a lɔn ko ai na Isa donna a bolo ka bɛn ɲangbeya le ma.

Kɛkolu 13:50

Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 14:2

Kɛɛ Jahudiya minu k'i ban limaniya la, wolu ka siboloma gbɛlɛ mɔɔlu lɔsun limaniyamɔɔlu kanma.

Kɛkolu 14:4

Ado sokɔnɔmɔɔlu ka falan a ma: a fan kelen tɛɛ Jahudiyalu fɛ, a fan kelen vɛ Isa ya keladennu fɛ.

Kɛkolu 14:5

Jahudiyalu ni siboloma gbɛlɛ mɔɔlu ni ai ɲamɔɔlu ka bɛn a ma ko ai yi ben Pɔli ni Baanabasi kan, k'ai bon kawa la k'ai faa.

Kɛkolu 17:5

Kɛɛ wo ɲangbeya ka Jahudiya tɔlu mina mingɛ, ai ka taa lɔɔ lɔ ka mɔɔ kundan dɔlu ta k'ai lamulutu, minu ka so lamaamaa. Ai bɛ k'a latelen Jason ya bon na Pɔli ni Silasi ɲininya lɔ, fɔsa ai tɛɛ na ai le jama ɲakɔlɔ.

Kɛkolu 18:6

Kɛɛ komi ai tɛɛ a sɔsɔla ani k'a jɛvɛ, wo lɔ, Pɔli ka aa faaniba lɔgbasi ka wo kɛ ai ban tɔɔmase le. A vɛɛ: «Ài halakiko yi kɛ ài kunko le. Ǹ sen t'a lɔ. Ka damina bi ma, ǹ kɛtɔ Samakan Kein lasena siboloma gbɛlɛ mɔɔlu le ma.»

Kɛkolu 19:9

Kɛɛ a dɔlu kunnɔ ka gbeleya ka to limaniyabaliya lɔ, ka kuma yon fɔ Isa ya siya ma jama ɲakɔlɔ. Wo lɔ, Pɔli ka bɔ ai fɛ, ka taa Isa kɔbiladennu le Tilanusi ya kalankɛbon na, ka to ai kalanna je lon bɛ.

Kɛkolu 5:17

Wo waate, salakalase kuntiiba ni a bilankɔɲɔɔlu minu tɛɛ Sadusilu le, wolu v'i wulila keladennu kanma ɲangbeya boloma.

Lɔmukalu 1:29

Ai josokun lafanin tɛɛ telenbaliyako suu bɛ dɔ la, ani koyon, ani natabaya, ani juuya, ani keleya, ani mɔɔfaako, ani mɔɔwotɛfalanko, ani janvandeya, ani kɔnɔlɔgbeya. Tɔɔfɔlikɛba le ai le,

1 Kolɛntikalu 3:3

kamasɔlɔn dunuɲamɔɔlu dajoo le y'ài la bene. Komi keleya ni bɛnbaliya y'ài tɛma, jalasa wo t'a jiyala ko dunuɲamɔɔlu dajoo le ài la, ani ài yi taamana iwo adamaden jɛlɛla?

2 Kolɛntikalu 11:26

M̀'ɛ waate siyama kɛ taamana masuwakolu dakɔlɔ ka bɛn kɔɔtɛɛko ma, ani benkannikɛbalu, ani ǹ jɛlɛkanu mɔɔlu, ani siboloma gbɛlɛ mɔɔlu. Ǹ tɛɛ masuwakolu le dakɔlɔ solu kɔnɔ, ani tuu kɔlɔ, ani kɔɔji kɔkan, ani ka bɛn faɲafɔ badenmalu ma.

Galatiyakalu 5:21

natabaya, gbɛtɔya, dannatimin tolonnu, ani wolu ɲɔɔzii gbɛlɛlu. Ǹ'ài lalila yi ne iwo ǹ n'a kɛla teme sɔ, mɔɔ minu deinin ko suu wolu kɛla, wolu tɛnala donna Ala ya masaya lɔ.

1 Tɛsalonikakalu 2:16

kamasɔlɔn ài y'ai lɔjala ka mɔ dansii fɔsa mɔ kana kisiko lase siboloma gbɛlɛ mɔɔlu ma. Wo boloɲa ma, ai y'a dɔ le lala aiya julumbulu kɔkan kudein haan fɔɔ a da yi fa. Kɛɛ a laban nɔ, Ala ya mɔnɛya vɛ ben ai kɔkan.

2 Timote 3:11

I do k'a lɔn ǹ na jangata ni tɔlɔya minu masɔlɔnna Antiyɔsi so kɔnɔ, ani Ikoniyɔmu, ani Lisitile. Ǹ na jangata suu siyama le manɔla feu! Kɛɛ mɔ Tii na ǹ lakisila ka ǹ kun bɔ wo bɛ lɔ.

Janguba 4:5

Jalasa a ài kɔnɔ ko kuma min kun t'a la min sɛvɛnin kitabu kɔnɔ, ko: «Ala na nii min bilala mɔ lɔ, a yi wo makeleyala bubale»?

1 Piyɛli 4:4

Àiya ko vɛ Alalɔnbalilu kawakoya, kamasɔlɔn ài tɛ lala ai kɔkan butu aiya manamanakolu lɔ, wo le n'a kɛla, ai y'ài tɔɔ yon fɔla yi ne.

Jude 1:10

Faɲafɔ kalanmɔɔ minu koni yi lafeyalikan ne fɔla ka bɛn kolu ma, ai ma minu ɲaye. Ai kɛyine iwo tuukɔlɔsoo hangilindannu, minu yi kolu kɛla ai kunfɛ, ka halaki lana ai jɛlɛ ma ko minu gbugbu sabu la.