Kɛkolu 13:43 - Ala Ya Salatikan Kula Kitabu

⁴³ Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 13:43 ပူးပေါင်းရင်းမြစ်များ

Matiyu 23:15

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi taala duukolo fan bɛ lɔ ka kɔɔji tɛɛ, fɔsa mɔɔ kelen yi tube ka don àiya diina lɔ. Kɛɛ ài v'a latubela, ài y'a kɛla jahanamaden ne le ka timin àilu gbu la.

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 13:50

Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

Kɛkolu 14:3

Wo bɛ n'a kɛ, Pɔli ni Baanabasi ka waate siyama kɛ je, ai vɛ kawanili kɛla josolagbeleya boloma, ado mɔ Tii gbu tɛɛ seleya dila ka bɛn aa nɛɛma kuma ma, kamasɔlɔn a ka see di ai ma tɔɔmase ni kawanankolu kɛko lɔ.

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 17:17

A do tɛɛ taala Aladalibon na je ka kuma Jahudiyalu yɛ, ani siboloma gbɛlɛ minu tɛɛ siyanna Ala ɲa. Lon bɛ, a tɛɛ taala bala lɔ fana ka kuma mɔɔlu yɛ minu tɛɛ kɛla je.

Kɛkolu 17:34

Wo bɛ n'a kɛ, mɔɔ dɔlu ka kafon Pɔli kɔkan ka limaniya Isa ma. Aleyopase ladɛnmɔɔ dɔ min tɔɔ tɛɛ ko Denisi, wo tɛɛ ai lɔ, ani moso min tɔɔ tɛɛ ko Damalisi, ani mɔɔ dɔgbɛlɛlu.

Kɛkolu 17:4

Jahudiya dɔlu ka la kuma wo la, ani Gɛlɛkika Alaɲasiyanɲɛmɔɔ siyama, ani moso tɔɔlama jilika. Ai bɛ k'ai lɔ Pɔli ni Silasi fɛ.

Kɛkolu 18:7

Wo lɔ, Pɔli ka bɔ je ka taa kɛ́ dɔ ya bon na, min tɔɔ tɛɛ ko Titiyɔ Jusitusi. Siboloma gbɛlɛ le tɛɛ a le min tɛɛ siyanna Ala ɲa. Ado aa bon tɛɛ Aladalibon dafɛ.

Kɛkolu 2:10

ni Filigiyakalu ni Panfilikalu ni Misilankalu ni Libiyakalu ka bɔ Silɛni fan nɔ. Ado lonalu yi jama min nɔ ka bɔ Lɔmu so kɔnɔ,

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 6:5

Ai ka jatesiili min kɛ, wo ka diya jama bɛ yɛ. Wo lɔ, ai ka Etiyɛn ta, min ya limaniya walanin tɛɛ kosɛvɛ, a do joso lafanin tɛɛ Nii Sɛnɛyanin la. Ai ka Filipe fana ta, ani Polokolu, Nikanɔ, Timon, Palimɛnasi, ani Nikola ka bɔ Antiyɔsi min tɛɛ vɛ don Jahudiyalu ya diina lɔ.

Lɔmukalu 11:6

Ni Ala ya mɔɔtako yi kɛla ka bɛn aa nɛɛma le ma, wo vɛ kɛla, mɔɔ kɛkolu sabu tɛ butu. Niwotɛ, aa nɛɛma tɛnala kɛla nɛɛma bɛlɛbɛlɛ le butu.

Lɔmukalu 3:24

bɛ do vɛ jate telenmande le aa nɛɛma dinin sabu la ka bɛn kunmakako ma, Masa Tɔɔmasenin Isa nanin min ne.

Lɔmukalu 5:2

Ka bɛn Isa ma, mɔ fɛ vɛ kɛ nɛɛma min sɔlɔnko la limaniya sabu la, m'i nɛɛma min nɔ yi ne. Ado m'i sawala, kamasɔlɔn mɔ jei siinin Ala ya magbiliyali sɔlɔnko le la.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

2 Kolɛntikalu 5:11

Komi m'i mɔ Tii ɲasiyanɲɛko kalama, wo lɔ, m'i mɔ lɔjala ka mɔɔlu lakunfa. Kɛɛ Ala gbu ka mɔ kɛɲa lɔn, ado ǹ layine a la ko àilu fana ka mɔ kɛɲa lɔn ài josokun nɔ.

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Galatiyakalu 5:1

Masa Tɔɔmasenin vɛ mɔ lafɛlɛ fɔsa m'i to lafɛlɛ lɔ. Wo le y'a ma, ài y'ài lɔgbeleya. Ài do k'ài jɛlɛ bila jɔnya lɔ kɔtunun.

Galatiyakalu 5:4

Àilu minu yi telenmandeya ɲininna ka bɛn seliya latelenko ma, ài vɛ falan Masa Tɔɔmasenin na k'ài fo Ala ya nɛɛma la.

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Filipikalu 3:16

Wo bɛ n'a kɛ, mɔ taamanin ka se tɛɛminja, fɔ ài m'i mɔ bolo kɛ wo la ka taa ɲafɛ.

Filipikalu 4:1

Wo lɔ saa, ǹ diyanan badenmalu, minu yenlɔɔ yi ǹ na, àilu minu yi ǹ lasawala ka ǹ ɲalɔkɛnɛya, ǹ diyananmɔɔlu, ài lɔgbeleyanin yi to mɔ Tii ya kafonɲɔɔya lɔ.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:28

Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

2 Piyɛli 3:14

Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

2 Yohana 1:9

Ni mɔɔ mɔɔ ka taa a kunfɛ, a ma to Masa Tɔɔmasenin ya kalan kɔkan, wo vɛ kɛla, wo tii tɛ Ala ta le. Kɛɛ do, ni mɔɔ min ka to Masa Tɔɔmasenin ya kalan kɔkan, wo tii yi mɔ Fa ni a Denkɛ ta le le.