Kɛkolu 13:39 - Ala Ya Salatikan Kula Kitabu

³⁹ Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Kɛkolu 13:39 ပူးပေါင်းရင်းမြစ်များ

Luka 10:25

Seliya kalanmɔɔ dɔ k'i wuli Isa lɔsumanko lɔ. A do vɛɛ a yɛ: «Kalanmɔɔ, ǹ'i mindɛ kɛ fɔsa ǹ'i niimaya banbali sɔlɔn?»

Luka 10:28

Isa k'a javi, a vɛɛ: «Iya javili bɛnyine. Wo kɛ, i yi niimaya sɔlɔnne.»

Luka 18:14

Isa vɛɛ: «Ǹ'a fɔ ài yɛ, niisɔɔnminaba ka taa luu ma, k'a talan Ala v'a jate telenmande le, kɛɛ wo ɲɔɔzii ma kɛ dɔ wo yɛ. Kamasɔlɔn mɔɔ mɔɔ v'a fannɔbuɲala, wo tii ma yi jiile. Kɛɛ ni mɔɔ min k'a fanmajii, wo tii kɔlɔ yi tale.»

Yohana 1:17

Kamasɔlɔn seliya dinin Nabi Musa le sabu la, kɛɛ nɛɛma ni tuɲandeya nanin Masa Tɔɔmasenin Isa le sabu la.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Lɔmukalu 10:10

Kamasɔlɔn ni i ka limaniya i josokun nɔ, Ala y'i jatele telenmande le. Ado ni i k'i lɔ a la i da le, i yi kisile.

Lɔmukalu 10:4

Kamasɔlɔn Masa Tɔɔmasenin vɛ seliya dafa, fɔsa a malimaniyamɔɔlu bɛ yi kɛ telenmande le Ala ɲakɔlɔ.

Lɔmukalu 3:19

Mɔ do k'a lɔn ne ko Nabi Musa ya seliya yi min min si fɔla, a yi wolu le fɔla mɔɔlu yɛ minu yi seliya wo kɔlɔ, fɔsa mɔɔ bɛ da la yi tuun, ani dunuɲa bɛ lakafonnin yi don Ala ya kiti kɔlɔ.

Lɔmukalu 3:20

Wo le n'a kɛla, mɔɔ mɔɔ tɛnala jatela telenmande le Ala ɲakɔlɔ ka bɛn seliya latelenko ma, kamasɔlɔn julumbu lɔnko yi nala seliya le fɛ.

Lɔmukalu 4:15

Kamasɔlɔn seliya yi nala Ala ya mɔnɛya le le, kɛɛ ni seliya ma kɛ je, seliya tiɲako tɛnala kɛla je.

Lɔmukalu 4:24

Wo sɛvɛnin maa ko le lɔ fana, ǹu minu kɛtɔ jatela telenmande le, ǹu minu limaniyanin Ala ma, min na mɔ Tii Isa lawulila ka bɔ saya lɔ.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.

Lɔmukalu 5:9

Wo lɔ saa, komi mɔ vɛ jate telenmande le butu Isa jeli bɔnko fɛ, a lagbɛyine feu ko a kɛtɔ mɔ lakisila ka mɔ bɔ Ala ya mɔnɛya kɔlɔ.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 9:31

Kɛɛ Bani Isilanka minu tɛɛ telenmandeya ɲininna seliya latelenko fɛ, wolu ka polo a ma.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 2:19

Ǹe koni, seliya ta fannɔ, ǹ sayine seliya gbu sabu la, fɔsa ǹ'i niimaya kɛ Ala yɛ.

Galatiyakalu 3:8

A sɛvɛyine kitabu kɔnɔ kɔlɔkɔlɔ le ko Ala kɛtɔ siboloma gbɛlɛ mɔɔlu jatela telenmande le ka bɛn limaniya le ma. Wo lɔ, Samakan Kein la ka se Ibulahima ma jani wo waate tɛɛ se, ko: «Siboloma bɛ kɛtɔ balaka sɔlɔnna ile le fɛ.»

Galatiyakalu 5:3

Ǹ'a fɔla kɔtunun k'a magbeleya, ni kɛ́ min ka diɲa a makɛnɛkɛko ma, fɔ wo tii yi Nabi Musa ya seliya lakunnin latelen diyanigbeya boloma.

Hebululu 10:11

Salakalaseba bɛ y'i lɔla k'aiya baale kɛ tele o tele, ai vɛ salaka suu kelen wolu bɔla waate bɛ, k'a talan wolu tɛ se julumbulu banna feu.

Hebululu 10:4

kamasɔlɔn tola jeli niwotɛ bani jeli tɛ se julumbulu banna feu!

Hebululu 7:19

kamasɔlɔn Nabi Musa ya seliya ma se ko ko si dafala, ado jeisii min fisayanin, wo vɛ bɔ gbɛ la butu, m'i mɔ madonna Ala la min sabu la.