Kɛkolu 13:36 - Ala Ya Salatikan Kula Kitabu

³⁶ Masakɛ Dawuda koni, a wɔlinin Ala ya ko latɛɛninnu kɛla a tele lɔ, a ka latɛɛ kɛ. Ai k'a sudoon a bemanu dafɛ, a do ka tolin.

Kɛkolu 13:36 ပူးပေါင်းရင်းမြစ်များ

Matiyu 25:16

Bɔiden min ka sanu gbana kɛmɛ loolu (500) sɔlɔn, wo vɛ taala k'a lɔjulaya telemanin. A do ka kɛmɛ loolu gbɛlɛ (500) sɔlɔn a tɔnɔ le.

Yohana 11:39

Wo lɔ, Isa vɛɛ: «Ài yi kawakulun bɔ kabulu da la.» Lazali min sanin, wo kɔlɔmoso Maata vɛɛ a yɛ: «Ǹ Kuntii, a suma yi kɛ bɔ yi la butu, kamasɔlɔn a tele naanina le bi le kabulu kɔnɔ.»

Kɛkolu 13:22

Ala ka wo labɔ je mingɛ, a ka Dawuda lasii masaya la ai kunna. Ala do ka seleya di ka bɛn Dawuda ya ko ma, a vɛɛ: ‹M̀'ɛ Jese denkɛ Dawuda ye k'a fɔ ko aa ko bɛnnin ǹ josokun ma. A do kɛtɔ ǹ sawonanko bɛ kɛla.›

Kɛkolu 2:29

Piyɛli vɛɛ kɔtunun: «M̀ badenmalu, fɔ ǹ'i mɔ bema Dawuda ya ko fɔ ài yɛ k'a lagbɛ. Ǹ ko, a na sala, ai do na a su doonna. Hali bi a kabulu yi mɔ fɛlɔ jan.

Kɛkolu 20:27

Kamasɔlɔn m̀'ɛ Ala ya kolatɛɛnin bɛ fɔ ài yɛ, m̀ ma a suu suu doon ài ma.

Kɛkolu 7:60

Wo fɔ, a k'i bilin a kumɛlɛni la ka gbanɔ, a vɛɛ: «Ǹ Tii, i kà min jate ai ma julumbu le.» Wo fɔ a bolo, a ka sa.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

1 Kolɛntikalu 15:18

Ni a yi ten ne, Masa Tɔɔmasenin malimaniyamɔɔ minu vɛ sa, wolu bɛ vɛ halaki.

1 Kolɛntikalu 15:6

Wo kɔ, a k'a jɛlɛ jiya mɔ badenma mɔɔ kɛmɛ loolu (500) ni kɔ la waate kelen nɔ. Wolu siyama y'ai nii la hali bi, kɛɛ a dɔlu vɛ sa.

1 Tɛsalonikakalu 4:13

Mɔ badenmalu, mɔ t'a fɛ le ài yi to divi lɔ ka bɛn mɔɔ saninnu ya ko ma, alako ài josoma kana kasi iwo jeisiibalilu.