Kɛkolu 13:3 - Ala Ya Salatikan Kula Kitabu

³ Ai wɔlinin sundonna ani Ala dali, ai k'ai bolo la Baanabasi ni Sawuli kan k'ai lɔ Ala ya baale la.

Kɛkolu 13:3 ပူးပေါင်းရင်းမြစ်များ

Luka 2:37

Wo kɔ, a ka to kɛsamosoya lɔ haan fɔɔ a sanji bisein ni naani (84). A tɛɛ tɛ a mabɔla lɔhɔlɔmabonba la, fɔ ka to Ala batola su ni tele, a vɛ sundonna ka Ala dali.

Kɛkolu 1:24

Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la.

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 13:4

Nii Sɛnɛyanin ka Baanabasi ni Sawuli kelaya mingɛ, ai ka taa Selusi so kɔnɔ. Ai se je, ai ka don kulunba kɔnɔ ka taa Sipele, min yi kɔɔtɛmaduu le.

Kɛkolu 14:23

Pɔli ni Baanabasi ka ɲamɔɔlu lasii limaniyajama kelenkelenna bɛ kunna. Ai ka sun don ka Ala dali wolu yɛ, k'ai kalifa mɔ Tii la, ai tɛɛ vɛ limaniya min ma.

Kɛkolu 14:26

Ai ka don kulunba kɔnɔ Ataliya ka seikɔ Antiyɔsi, limaniyajama tɛɛ vɛ ai kalifa Ala ya nɛɛma la tɛɛminja ka bɛn baale ma, ai na min kɛla ka dafa.

Kɛkolu 15:40

Kɛɛ Pɔli ka Silasi ta ka bɔ je, limaniyamɔɔlu ban kɔ ai kalifala mɔ Tii ya nɛɛma la.

Kɛkolu 6:6

Ado jama ka mɔɔ wolowulan wolu jiya keladennu la. Wolu k'ai bolo la ai kɔkan ka Ala dali ai yɛ.

Kɛkolu 9:17

Wo lɔ, Ananiya vɛ taala ka don bon wo la, k'a bolo la Sawuli kan, k'a fɔ a yɛ, a vɛɛ: «M̀ badenma Sawuli, mɔ Tii Isa min n'a jɛlɛ jiyala i la siya la, i tɛɛ nala jan waate min nɔ, wo le na ǹ lanala fɔsa i ɲa la yi ka kɔtunun, ani i josola yi fa Nii Sɛnɛyanin la.»

Lɔmukalu 10:15

Mɔɔ kɛtɔ ai kawanila di vɛ, ni mɔɔ ma kelaya ai ma? A sɛvɛnin tan ne kitabu kɔnɔ, ko: «Samakan Kein lasenbalu yenko bɛnyine feu!»

1 Timote 4:14

I kà jɔ Ala ya senko ma min dinin i ma kelayakuma fɛ, limaniyajama ɲamɔɔlu n'ai bolo lala i kɔkan waate min nɔ.

1 Timote 5:22

I k'i lateleja i bololako lɔ mɔɔ kɔkan k'a bila Ala ya baale la. I do fɛ kà kɛ dɔlu ya julumbukolu la. I josokun sɛnɛyanin yi to.

2 Timote 1:6

Wo le y'a kɛla, ǹ'i hangili bilala k'a fɔ ko i yi Ala ya senko labaale a ɲa gbugbu ma, i na min sɔlɔnna ǹa bololankan sabu la.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

3 Yohana 1:6

Ai ka seleya di limaniyajama ɲakɔlɔ ka bɛn iya kanundeya ma. Ni i k'ai madɛmɛn aiya taama lɔ boloɲa dɔ ma min yi kɛ Ala buɲako le, wo yi bɛnne feu.

3 Yohana 1:8

Wo ma, ǹu le ka kan ka mɔ bolo sii mɔɔ suu wolu kɔlɔ, fɔsa m'i kɛ ai baalekɛɲɔɔ le tuɲa lasenko lɔ.