Kɛkolu 13:14 - Ala Ya Salatikan Kula Kitabu

¹⁴ Ai bɔnin Pɛlɛga, ai ka se Antiyɔsi so kɔnɔ, min yi Pisidi koovi lɔ. Nɔningɛlon senin, ai ka don Aladalibon na k'i sii.

Kɛkolu 13:14 ပူးပေါင်းရင်းမြစ်များ

Luka 4:16

Wo kɔ, Isa ka taa Nazalɛti so kɔnɔ, a buɲanin tɛɛminja. Nɔningɛlon senin, a ka taa Aladalibon na, iwo a deinin tɛɛ a kɛla teme. A k'i lɔ mingɛ kalankɛko lɔ,

Kɛkolu 13:42

Pɔli ni Baanabasi bɔtɔla Aladalibon na, mɔɔlu vɛ ai madiyala ko ai yi na Nɔningɛlon natɔ k'a dɔ la kalan wo kɔkan.

Kɛkolu 13:44

Nɔningɛlon wo kunɲɔɔ, sokɔnɔmɔɔ fanba k'ai ladɛn k'ai tolomalɔ mɔ Tii kumakan ma.

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 13:5

Ai senin Salamisi so kɔnɔ, ai ka Ala kumakan lase damina Jahudiyalu ya Aladalibonnu la. Yohana (ai tɛɛ a fɔla min ma ko Malɛkɛ), wo tɛɛ ai madɛmɛnna.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 16:13

Nɔningɛlon senin, mɔ ka taa kɔɔ dala so kɔma, a tɛɛ mɔ jii ma k'a fɔ ko mɔ kɛtɔ Jahudiyalu ya Aladaliya dɔ yena je. Wo kɛ, mɔ k'i sii ka kuma damina moso dɔlu yɛ, minu ladɛnnin tɛɛ je.

Kɛkolu 17:2

Wo lɔ, Pɔli ka taa je Nɔningɛlon, iwo a deinin tɛɛ a kɛla teme. A do ka Nɔningɛlon sawa kɛ je, a vɛ kumala mɔɔlu yɛ ka bɛn kitabulu ma,

Kɛkolu 18:4

Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.

Kɛkolu 19:8

Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

2 Timote 3:11

I do k'a lɔn ǹ na jangata ni tɔlɔya minu masɔlɔnna Antiyɔsi so kɔnɔ, ani Ikoniyɔmu, ani Lisitile. Ǹ na jangata suu siyama le manɔla feu! Kɛɛ mɔ Tii na ǹ lakisila ka ǹ kun bɔ wo bɛ lɔ.