Kɛkolu 12:19 - Ala Ya Salatikan Kula Kitabu

¹⁹ Wo lɔ, Helodi ka aa mɔɔlu lɔ a ɲininna fan bɛ lɔ. Ai m'a ye mingɛ, Helodi ka lakanaliba wolu maɲininga ka ban k'ai lataa ai faaya lɔ. Wo kɔ, Helodi ka bɔ Jude ka taa Sezale so kɔnɔ ka tele dana kɛ je.

Kɛkolu 12:19 ပူးပေါင်းရင်းမြစ်များ

Matiyu 2:1

Isa ka sɔlɔn Bɛtilɛhɛmu so kɔnɔ, Jude koovi lɔ, Helodi ya masaya waate lɔ. Isa sɔlɔn kɔ, lɔnnila dɔlu ka bɔ telebɔ jamana dɔ lɔ ka na Jelusalɛmu.

Matiyu 2:13

Lɔnnilalu taa kɔ, mɔ Tii ya mɛlɛka k'a jɛlɛ jiya Jusufu la siwo lɔ, a vɛɛ a yɛ: «I wuli, i yi den ni a ba ta ka bɔli ai le Misilan jamana lɔ. I yi to je haan fɔɔ m̀'ɛ a fɔla i yɛ lon min na i i kɔsei, kamasɔlɔn Helodi kɛtɔ den ɲininna a faako lɔ.»

Matiyu 2:16

Helodi k'a lɔn mingɛ ko lɔnnilalu vɛ a janva, a k'a josolakuna bubale. Wo le k'a kɛ, a ka jamali di ko ai yi dɛnkɛlu bɛ faa Bɛtilɛhɛmu ni a laminin nɔ, minu tɛɛ ma timin ba sanji fila la bene. A ka wo kɛ ka bɛn lɔnnilalu ya loloni ye waate ma, ai tɛɛ vɛ min fɔ a yɛ.

Kɛkolu 12:18

Kɛnɛ bɔnin, Piyɛli tununko ka sɔdasilu hangili ɲaami bubale.

Kɛkolu 12:4

Piyɛli mina kɔ, a k'a bila kaso la k'a kalifa sɔdasi kulu naani la lakanali boloma, sɔdasi naani tɛɛ min kelenkelenna lɔ. A tɛɛ Helodi kɔnɔ ko Timinkunna Selilon vɛ timinna, a yi Piyɛli ya kiti tɛɛ jama bɛ ɲakɔlɔ.

Kɛkolu 12:6

Jani Helodi tɛɛ aa kiti tɛɛ wo dusagbɛlon, su wo lɔ, Piyɛli ka to sunɔɔ lɔ sɔdasi fila tɛma, jɔlɔkɔlu v'a bolo fila bɛ la, ado lakanaliba dɔlu lɔnin tɛɛ da la.

Kɛkolu 16:27

Kasobon lakanaliba ka kunun mingɛ ka kasobon dalu lakanin ye, a ka aa siyamifan labɔ a jɛlɛ faako lɔ, kamasɔlɔn a tɛɛ a kɔnɔ kasodennu vɛ bɔli.

Kɛkolu 21:8

Wo kɛnɛbɔlon, mɔ ka bɔ je ka taa se Sezale so ma, ka mɔ jiya Filipe ya bon na, min tɛɛ Samakan Kein lasenba le. Jelusalɛmu limaniyamɔɔlu ka kɛ́ wolowulan minu ta k'ai kɛ keladennu madɛmɛnba le, Filipe tɛɛ wolu dɔ le le.

Kɛkolu 25:13

Tele dana timinnin kɔ, Masakɛ Agilipa ni a dɔɔmoso Bɛlɛnisi ka na Sezale ka Fɛsitusi fo.

Kɛkolu 27:42

Sɔdasilu ka jatesii ko ai yi kasodennu faa, alako ai kana ai nɛɛ kɔɔ la ka bɔli.

Kɛkolu 8:40

Filipe do k'a jɛlɛ ye Azotu so kɔnɔ. A taatɔla, a vɛ Samakan Kein lasena so bɛ la haan fɔɔ ka se Sezale.