Kɛkolu 12:17 - Ala Ya Salatikan Kula Kitabu

¹⁷ Kɛɛ Piyɛli k'a bolo jate ai yɛ fɔsa ai yi jeden, ka ban k'a ɲafɔ ai yɛ mɔ Tii na a labɔla kaso la teme. A do vɛɛ: «Ài yi wo bɛ lase Janguba ni mɔ badenma tɔlu ma.» Wo kɔ, a ka bɔ je ka taa dingila gbɛlɛ lɔ.

Kɛkolu 12:17 ပူးပေါင်းရင်းမြစ်များ

Matiyu 10:23

Ni ai k'ài tɔlɔya so dɔ la, ài yi bɔli ka taa so gbɛlɛ la. Ǹ'i tuɲa fɔ ài yɛ, ài tɛnala banna Isilan jamana so bɛ lɔtaamana, ni Mɔɔnivin Tanin m'a kɔsei.

Malɛkɛ 6:3

Jilisaba le tɛ? Mɔyamu den ne tɛ? A dɔɔkɛlu le tɛ Janguba ni Jose ni Jude ni Simɔn ne? A dɔɔmosolu tɛ siinin mɔ tɛma jan ne?» Miliya suu wo le k'a kɛ ai kunnɔtɛɛ dailu le Isa ma.

Luka 1:22

Zakaliya bɔnin kɛnɛma, a ma se kumala ai yɛ. Ai do k'a lɔn wo le lɔ ko, ko dɔ vɛ jiya a la lɔhɔlɔma dingila lɔ. Zakaliya do ka to boboya lɔ, a v'a bolo jatesiila ai yɛ.

Yohana 10:40

A do ka bɔ je ka taa Julidɛn kɔɔ kɔma kɔtunun ka se dingila dɔ lɔ, Yaya tɛɛ mɔɔlu makola tɛɛminja kɔlɔman ne. A do ka waate dana kɛ je.

Yohana 11:54

Wo le k'a kɛ, Isa tɛɛ tɛ taamana bala lɔ butu Judekalu tɛma, fɔ ka bɔ je ka taa se Efilaimu so la fuwa fannɔ. Ado ale ni a kɔbiladennu ka waateni kɛ je.

Yohana 13:24

Wo lɔ, Simɔn Piyɛli k'a bolo jatesii wo tii yɛ, fɔsa a yi Isa maɲininga ko a kan yi jene ma.

Yohana 7:1

Wo kɔ, Isa tɛɛ Galile koovi lɔtaamana. A tɛɛ tɛ a fɛ ka taa ni sei kɛ Jude koovi lɔ, kamasɔlɔn Jahudiya kuntiilu tɛɛ a faako ɲaɲininna.

Yohana 8:59

Wo fɔ Isa bolo, ai vɛ kawakulunnu tala ko ai y'a bon, kɛɛ Isa k'i doon ka bɔ lɔhɔlɔmabonba luu kɔnɔ ka taa.

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 12:16

Wo bɛ lɔ, Piyɛli ka to da makɔnkɔnna. Ai do ka da laka mingɛ, ai ka Piyɛli ye k'ai dalaja.

Kɛkolu 12:18

Kɛnɛ bɔnin, Piyɛli tununko ka sɔdasilu hangili ɲaami bubale.

Kɛkolu 13:16

Wo lɔ, Pɔli v'i lɔla k'a bolo jate, a vɛɛ: «Bani Isilankalu ni Alaɲasiyanɲɛmɔɔlu bɛ, ài y'ài tolomalɔ.

Kɛkolu 15:13

Pɔli ni Baanabasi wɔlinin kumala, Janguba ka kuma ta, a vɛɛ: «M̀ badenmalu, ài y'ài tolomalɔ ǹ na.

Kɛkolu 16:40

Ai ka bɔ mingɛ kaso la, ai ka taa Lidiya ya bon na ka limaniyamɔɔlu ye je. Ai wɔlinin wolu sɛmɛdonna, ai ka taa.

Kɛkolu 19:33

Komi Jahudiyalu tɛɛ vɛ Alɛzandele lalɔ jama ɲakɔlɔ, wo lɔ, a dɔlu tɛɛ ai milila ko ale le nɔ yi. Alɛzandele do v'a bolo jatela ko jama yi jeden fɔsa a a kumanɔbɔ ai yɛ.

Kɛkolu 21:18

Wo kɛnɛbɔlon, ǹu ni Pɔli ka taa bɔ Janguba ma, ado ɲamɔɔlu bɛ ladɛnnin tɛɛ je.

Kɛkolu 21:40

A diɲanin wo ma, Pɔli k'i lɔ bon sɛnɛɛ la k'a bolo jate mɔɔlu yɛ. Ai ka jeden tue mingɛ, Pɔli ka kuma damina ai yɛ Hebulukan nɔ.

Kɛkolu 28:15

Mɔ nako k'a fɔ Lɔmu limaniyamɔɔlu yɛ mingɛ, a dɔlu k'i wuli ka na mɔ labɛn Apiyusi Lɔɔfɛ lɔ. A dɔgbɛlɛlu ka na ka mɔ labɛn dingila dɔ lɔ, ai y'a fɔla tɛɛminja ma ko Lona Jiyabon Sawa. Pɔli ka wolu ye mingɛ, a ka balika bɔ Ala yɛ, a do sɛmɛ ka don.

1 Kolɛntikalu 15:7

Wo kɔ, a k'a jɛlɛ jiya Janguba la, ka ban k'a jɛlɛ jiya aa keladennu bɛ la.

Galatiyakalu 1:19

Kɛɛ m̀ ma ǹ ɲa la keladen dɔgbɛlɛ kɔkan, mafɔ mɔ Tii Isa dɔɔni Janguba.

Galatiyakalu 2:12

Kamasɔlɔn jani mɔɔ dɔlu tɛɛ na ka bɔ Janguba fɛlɔ, Piyɛli tɛɛ dɔnni kɛla siboloma gbɛlɛ mɔɔlu le fɛ. Kɛɛ mɔɔ wolu ka na feeya, a ka wo dabila k'a jɛlɛ mataa siboloma gbɛlɛ mɔɔ wolu la, kamasɔlɔn a tɛɛ siyanna Jahudiyalu ɲa minu fasanin kɛnɛkɛko ma.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.