Kɛkolu 11:27 - Ala Ya Salatikan Kula Kitabu

²⁷ Wo waate, kela dɔlu ka na Antiyɔsi ka bɔ Jelusalɛmu.

Kɛkolu 11:27 ပူးပေါင်းရင်းမြစ်များ

Matiyu 23:34

Wo le y'a kɛla, ǹ'i kelalu lataala ài ma, ani hangilimalu, ani seliya kalanmɔɔlu. Ài kɛtɔ a dɔlu gbaanna kɔlɔman ma k'ai faa, k'a dɔlu gbasi gbusan na àiya Aladalibonnu la, ani k'ai jangata so ni solu la.

Luka 11:49

Wo le n'a kɛla, Ala n'a fɔla aa hangilimaya lɔ, a vɛɛ: ‹Ǹ kɛtɔ kela ni keladennu lataala ai ma. Ai do kɛtɔ a dɔlu faala k'a dɔlu jangata.›

Kɛkolu 11:20

Kɛɛ Jahudiya kɛ́ dɔlu ka bɔ Sipele ni Silɛni ka se Antiyɔsi. Ai do vɛ mɔ Tii Isa ya Samakan Kein lasena siboloma gbɛlɛ mɔɔlu fana ma.

Kɛkolu 11:22

Wo ko k'a fɔ Jelusalɛmu limaniyajama yɛ mingɛ, ai ka Baanabasi lataa Antiyɔsi.

Kɛkolu 13:1

Wo k'a talan kela ni kalanmɔɔ dɔlu tɛɛ limaniyajama tɛma Antiyɔsi so kɔnɔ. Wo dɔlu le ne: Baanabasi, Simiyɔn (ai tɛɛ a fɔla min ma ko Falafin), Lusiyusi ka bɔ Silɛni, Manayen (min ni jamanakunnasiiba Helodi ka buɲa i ɲɔɔ fɛ), ani Sawuli.

Kɛkolu 14:26

Ai ka don kulunba kɔnɔ Ataliya ka seikɔ Antiyɔsi, limaniyajama tɛɛ vɛ ai kalifa Ala ya nɛɛma la tɛɛminja ka bɛn baale ma, ai na min kɛla ka dafa.

Kɛkolu 15:22

Wo le k'a kɛ, keladennu ni ɲamɔɔlu ni limaniyajama bɛ k'a latɛɛ ko ai yi kɛ́ dɔlu ta ka wolu lɔ Pɔli ni Baanabasi malɔla Antiyɔsi. Wo lɔ, ai ka Judasi ta (ai tɛɛ a fɔla min ma ko Baasabasi), ani Silasi, minu tɛɛ ɲamɔɔlu le limaniyamɔɔlu tɛma.

Kɛkolu 15:30

Keladen wolu lasalannin, ai ka taa Antiyɔsi ka limaniyajama ladɛn, ka sɛvɛ wo don ai bolo.

Kɛkolu 15:32

Judasi ni Silasi, minu gbu taanin kɛla kelalu le, wolu k'ai sɛmɛdon ani k'ai lasawati kuma siyama le.

Kɛkolu 18:22

Kulun senin Sezale so kɔnɔ, Pɔli ka bɔ ka taa limaniyajama fo Jelusalɛmu, ka ban ka taa Antiyɔsi.

Kɛkolu 2:17

‹Ala vɛɛ: Dunuɲa laban waate, ǹ kɛtɔ ǹ Nii Sɛnɛyanin lajiila adamaden bɛ kɔkan. Ài denkɛlu ni ài denmosolu kɛtɔ kelaya kɛla. Ǹ kɛtɔ ko dɔlu lajɛlɛla àiya kavelennu ɲa ma, ani àiya kɛmɔbalu kɛtɔ kolu yena siwolu lɔ.

Kɛkolu 21:4

Mɔ ka Isa kɔbiladen dɔlu talan je mingɛ, mɔ ka lɔɔtɛ kelen kɛ ai fɛ. Ai do tɛɛ mɔ lalila Nii Sɛnɛyanin fɛ ko Pɔli kà taa Jelusalɛmu.

Kɛkolu 21:9

A denmoso singbili naani tɛɛ je, minu tɛɛ ma kɛ́ ko lɔn ba bene. Wolu tɛɛ kelaya le kɛla.

Kɛkolu 6:5

Ai ka jatesiili min kɛ, wo ka diya jama bɛ yɛ. Wo lɔ, ai ka Etiyɛn ta, min ya limaniya walanin tɛɛ kosɛvɛ, a do joso lafanin tɛɛ Nii Sɛnɛyanin la. Ai ka Filipe fana ta, ani Polokolu, Nikanɔ, Timon, Palimɛnasi, ani Nikola ka bɔ Antiyɔsi min tɛɛ vɛ don Jahudiyalu ya diina lɔ.

1 Kolɛntikalu 12:10

A do yi kawananko kɛ see dila dɔ ma, ka kelayakɛ see di a dɔgbɛlɛ ma, ani ka kolakɔlɔsi see di a dɔgbɛlɛ ma kɔtunun fɔsa a yi se Nii Sɛnɛyanin kɛkolu ni Soitana talu wotɛbɔla teme. A yi see dila dɔ ma ka kuma kan gbɛlɛlu lɔ, ka see di a dɔgbɛlɛ ma ka kan wolu kɔlɔ fɔ.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

1 Kolɛntikalu 14:32

Ka kela to aa kelaya la, a ka kan k'a jɛlɛ lɔmina,

Galatiyakalu 2:11

Kɛɛ Piyɛli ka na Antiyɔsi so kɔnɔ waate min nɔ, ǹ k'a sɔsɔ jama ɲakɔlɔ, kamasɔlɔn a lagbɛyine tɛɛ ko jo tɛɛ tɛ a bolo.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.