Kɛkolu 11:16 - Ala Ya Salatikan Kula Kitabu

¹⁶ Wo waate kelen, ǹ hangili ka bila mɔ Tii kumakan nɔ, ko: ‹Yaya tɛɛ mɔɔlu makola ji le le, kɛɛ àilu makotɔ Nii Sɛnɛyanin ne le.›

Kɛkolu 11:16 ပူးပေါင်းရင်းမြစ်များ

Matiyu 3:11

Ǹ'ài makola ji le le k'a jiya ko ài vɛ ài dajoo mafalin, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala ta a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le.

Matiyu 3:6

Ai tɛɛ vɛ ai dalabɔla aiya julumbulu la, Yaya tɛɛ ai mako Julidɛn kɔɔ kɔlɔ.

Malɛkɛ 1:8

Ǹ'ài makola yi ne ji le le, kɛɛ ale kɛtɔ ài makola Nii Sɛnɛyanin ne le.»

Luka 24:8

Wo fɔ, mosolu hangili ka bila Isa kumakan nɔ.

Luka 3:16

Wo le k'a kɛ, Yaya k'ai bɛ javi, a vɛɛ: «Ǹ'ài makola ji le le, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala julu fɔlin a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le!

Yohana 1:26

Yaya k'ai javi, a vɛɛ: «Ǹ'i makoli kɛla ji le le, kɛɛ mɔɔ dɔ y'ài tɛma, ài ma min lɔn.

Yohana 1:33

Ǹe koni tɛɛ m'a lɔn kunfɔlɔ le, kɛɛ min na ǹ kelayala ka mɔɔlu mako ji le, wo tii le n'a fɔla ǹ yɛ, a vɛɛ: ‹I vɛ Nii Sɛnɛyanin jiitɔla yena ka to mɔɔ min fɛ, wo tii le kɛtɔ mɔɔlu makola Nii Sɛnɛyanin ne.›

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 16:4

Kɛɛ ǹ na ko min bɛ fɔla ài yɛ, fɔsa waate wo vɛ sena, ài hangili yi bila a lɔ ko ǹ ka wo le fɔ ài yɛ. «Ǹ tɛɛ ma ko minu fɔ ài yɛ a damina lɔ, kamasɔlɔn ǹ tɛɛ ài fɛ.

Kɛkolu 1:5

Kamasɔlɔn Yaya tɛɛ mɔɔlu makola ji le le, kɛɛ tele dana vɛ timinna, ài makotɔ Nii Sɛnɛyanin ne le.»

Kɛkolu 20:35

Ǹ n'a jiyala ài la ko minu bɛ lɔ, mɔ ka kan ka baale gbɛlɛn kɛ teme fandannilu madɛmɛnko lɔ, ani ka mɔ hangili to mɔ Tii Isa gbu kumakan nɔ, ko: ‹Koɲumakɛba ya duwawu walayine ka timin koɲuma yi kɛla mɔɔ min yɛ.› »

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.

2 Piyɛli 3:1

Ǹ diyananmɔɔlu, ǹa lɛtɛlɛ filana le min ne, ǹ'i min lataala ài ma. Lɛtɛlɛ fila wolu lɔ, m̀'ɛ ǹ lɔja k'ài hangili bila ko minu lɔ, alako ài miliya lagbɛnin yi to,