Kɛkolu 10:35 - Ala Ya Salatikan Kula Kitabu

³⁵ Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Kɛkolu 10:35 ပူးပေါင်းရင်းမြစ်များ

Luka 1:28

Mɛlɛka ka na a ma, a vɛɛ a yɛ: «Ǹ'i fola, Ala na nɛɛma kɛla ile min yɛ! Mɔ Tii i fɛ.»

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:28

A do vɛɛ ai yɛ: «Àilu gbu k'a lɔn a ladaannin tɛ ǹu Jahudiyalu ma k'i madon siboloma gbɛlɛ mɔɔlu la, kumatɛ ka taa bɔ ai ma. Kɛɛ Ala v'a jiya ǹ na ko ǹ kà a fɔ mɔɔ suu suu ma mɔɔ sɛnɛyabali, niwotɛ mɔɔ kɔsɔnin.

Kɛkolu 15:9

Wo ma, Ala ma lafisayali kɛ ǹu ni ailu wotɛ, kamasɔlɔn a n'ai josokun lasɛnɛyala ka bɛn aiya limaniya le ma.

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Lɔmukalu 2:13

Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

Lɔmukalu 2:14

Siboloma gbɛlɛ mɔɔ minu ma Nabi Musa ya seliya sɔlɔn, ni wolu dɔlu ka kɛ seliya latelenna ai jɛlɛ yɛ, wo y'a jiya le la ko seliya wo y'ai josokun ne lɔ, hali ni seliya wo ma kɛ ai bolo.

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 5:21

Ài fanmajii i ɲɔɔ yɛ Masa Tɔɔmasenin ɲasiyanɲɛ boloma.

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

Kɔlɔsikalu 3:11

Wo le y'a ma, wotɛbɔli tɛ butu Gɛlɛkika ni Jahudiyalu wotɛ, niwotɛ mɔɔ makɛnɛkɛnin ani mɔɔ makɛnɛkɛbalilu, niwotɛ tuukɔlɔmɔɔ ni siboloma ɲamakabalilu, niwotɛ jɔn ani hɔlɔlu, wo foi tɛ jatela. Min yi jatela, wo le Masa Tɔɔmasenin ne dein, a do yi bɛ le josokun nɔ.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.