Kɛkolu 10:23 - Ala Ya Salatikan Kula Kitabu

²³ Wo kɛ, Piyɛli k'ai ladon bon na k'ai jiya. Wo dusagbɛlon, Piyɛli k'i wuli ka bila ai kɔ ka taa, ado Jopa limaniyamɔɔ dɔlu ka taa a fɛ.

Kɛkolu 10:23 ပူးပေါင်းရင်းမြစ်များ

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Kɛkolu 10:29

Wo le n'a kɛla, ài na ǹ kilila mingɛ, m̀ ma sɔsɔyali bila a lɔ, mafɔ ka na. Ǹ'ài maɲiningala wo lɔ, ài na ǹ kilila mindɛ la?»

Kɛkolu 10:33

Wo le n'a kɛla, ǹ na mɔɔlu lataala i kɔ telemanin. Ado i nako vɛ iya ɲumaya jiya mɔ la. Mɔ Tii n'i lɔla ko minu fɔla mɔ yɛ, mɔ bɛ yi jan Ala ɲakɔlɔ ka mɔ tolomalɔ wolu bɛ ma.»

Kɛkolu 10:45

Jahudiya limaniyamɔɔ minu nanin tɛɛ Piyɛli fɛ, wolu ka kawakoya kamasɔlɔn Ala na a Nii Sɛnɛyanin dila k'a lajii hali siboloma gbɛlɛ mɔɔlu gbu kɔkan,

Kɛkolu 11:12

Ado Nii Sɛnɛyanin k'a fɔ ǹ yɛ ko ǹ kà sika, ǹ'i taa ai fɛ. Ài ɲa yi mɔ badenma wɔɔlɔ minu la yi ne, wolu ka taa ǹ fɛ, ado mɔ ka don Kɔɔnɛli ya bon na.

Kɛkolu 28:15

Mɔ nako k'a fɔ Lɔmu limaniyamɔɔlu yɛ mingɛ, a dɔlu k'i wuli ka na mɔ labɛn Apiyusi Lɔɔfɛ lɔ. A dɔgbɛlɛlu ka na ka mɔ labɛn dingila dɔ lɔ, ai y'a fɔla tɛɛminja ma ko Lona Jiyabon Sawa. Pɔli ka wolu ye mingɛ, a ka balika bɔ Ala yɛ, a do sɛmɛ ka don.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Kɛkolu 9:38

Komi Lida so masulunyanin tɛɛ Jopa la, wo lɔ, Isa kɔbiladen minu tɛɛ Jopa k'a mɛn mingɛ ko Piyɛli yi Lida, ai ka mɔɔ fila kelaya a ma k'a madiya ko a yi na telemanin.

Kɛkolu 9:42

Wo ko mangutu ka jɛzɛn Jopa fan bɛ lɔ, ado mɔɔ siyama ka limaniya mɔ Tii ma.

2 Kolɛntikalu 8:21

Kamasɔlɔn m'a fɛ le mɔ taamaɲa yi bɛn mɔ Tii ɲakɔlɔ, ani mɔɔlu.

Hebululu 13:2

Ài kà ɲina lonalu jiyako lɔ, kamasɔlɔn a dɔlu tonin wo le la, ai ka mɛlɛkalu jiya ai ɲina ma.

1 Piyɛli 4:9

Ài i ɲɔɔ jiya àiya bonnu la. Ài do kà kunnɔkuma kɛ ka bɛn wo ma.