Kɛkolu 10:22 - Ala Ya Salatikan Kula Kitabu

²² Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 10:22 ပူးပေါင်းရင်းမြစ်များ

Matiyu 1:19

Komi Jusufu tɛɛ mɔɔ telennin ne le, ani a tɛɛ tɛ a fɛ ka Mɔyamu lamaloya, wo le k'a kɛ, a ka miliya ta ko a yi ban a lɔ doon nɔ.

Matiyu 2:12

Wo kɔ, ai ka seikɔ aiya jamana lɔ siya gbɛlɛ le, kamasɔlɔn Ala tɛɛ vɛ ai lali siwo lɔ ko ai kà seikɔ Helodi fɛlɔ.

Malɛkɛ 6:20

kamasɔlɔn a kɛ́ Helodi tɛɛ siyanna Yaya ɲa k'a lakana kobɛn. A tɛɛ k'a lɔn ko wo tɛɛ mɔɔ telennin ne le, ani mɔɔ sɛnɛyanin. Helodi tɛɛ v'a tolomalɔla Yaya la kotan, a hangili tɛɛ ɲaami. Wo bɛ n'a kɛ, Yaya kumakan diyayine tɛɛ a yɛ.

Malɛkɛ 8:38

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»

Luka 2:25

Wo waate lɔ, kɛmɔba dɔ tɛɛ Jelusalɛmu, min tɔɔ tɛɛ ko Simiyɔn. Mɔɔ telennin ni Alaɲasiyanɲɛmɔɔ le tɛɛ a le, min tɛɛ Bani Isilankalu masawali waate makɔnɔna Ala bolo. Ado Nii Sɛnɛyanin tɛɛ a kɔkan.

Luka 23:50

Wo k'a talan kɛ́ dɔ tɛɛ je, min tɔɔ tɛɛ ko Jusufu, ka bɔ Jahudiyalu ya so dɔ la, ai y'a fɔla min ma ko Alimate. Mɔɔ ɲuma ni telenmande le tɛɛ a le, min tɛɛ Ala ya masaya waate makɔnɔna. A do tɛɛ kititɛɛjama ɲamɔɔ dɔ le le, kɛɛ ai na ko min latɛɛla ka bɛn Isa ma ani min kɛnin a la, a ma diɲa wo suu suu ma.

Luka 9:26

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le, Mɔɔnivin Tanin yi maloyale wo tii le, a vɛ nala lon min na aa magbiliyali lɔ, ani a Fa aa magbiliyali, ani lɔhɔlɔma mɛlɛkalu ya magbiliyali.

Yohana 13:20

Ǹ'i tuɲa fɔ ài yɛ, ni mɔɔ mɔɔ k'a bolo sii ǹa keladen dɔ kɔlɔ, wo tii v'a bolo sii ǹ kɔlɔ. Ado ni mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.»

Yohana 17:20

«Ǹ t'i madalila ailu kelen yɛ, mafɔ minu fana kɛtɔ limaniyala m̀ ma ka bɛn aiya seleyakan ma,

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:63

Nii Sɛnɛyanin ne yi niimaya dila, niwotɛ adamaden fanga tɛ foi ɲia. Ǹ na kuma minu fɔla ài yɛ, wolu bɔnin Nii Sɛnɛyanin ne lɔ, ai do yi niimaya dila.

Yohana 6:68

Simɔn Piyɛli k'a javi, a vɛɛ: «Ǹ Kuntii, m'i taa jene kɔ ni ile tɛ? Niimaya banbali kumalu yi ile le bolo.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:21

Wo lɔ, Piyɛli ka jii ka taa ai ma, a vɛɛ: «Ài yi mɔɔ min ɲininna, ǹe le wo le. Ài nanin mindɛ la?»

Kɛkolu 10:30

Kɔɔnɛli do vɛɛ a yɛ: «A vɛ tele naani bɔ, waate suu min nɔ, ǹ tɛɛ Ala dalila ǹa bon na wuladala lɛlɛ sawa waate. Ado kɛ́ dɔ k'i lɔ ǹ ɲakɔlɔ telemanin, faani gbɛ pepe v'a kanna.

Kɛkolu 10:33

Wo le n'a kɛla, ǹ na mɔɔlu lataala i kɔ telemanin. Ado i nako vɛ iya ɲumaya jiya mɔ la. Mɔ Tii n'i lɔla ko minu fɔla mɔ yɛ, mɔ bɛ yi jan Ala ɲakɔlɔ ka mɔ tolomalɔ wolu bɛ ma.»

Kɛkolu 10:6

A jiyanin mɔɔ min fɛlɔ, wo fana tɔɔ le ko Simɔn, min taanin kɛla gbolobaalekɛba le. Aa bon yi kɔɔji da le la.»

Kɛkolu 11:14

A kɛtɔ samakan lasena i ma, ile ni iya bonnamɔɔlu kisitɔ min fɛ.›

Kɛkolu 22:12

«Wo k'a talan, Alaɲasiyanɲɛmɔɔ dɔ tɛɛ Damase, min tɔɔ tɛɛ ko Ananiya. A tɛɛ Nabi Musa ya seliya latelenna, ado je Jahudiyalu bɛ tɛɛ a buɲala.

Kɛkolu 24:15

Ǹ jei siinin Ala le la, ado wo jeisii kelen ne yi mɔɔ minu bolo, k'a fɔ ko telenmandelu ni mɔɔ telenbalilu bɛ le la kɛtɔ wulila saya kɔ.

Kɛkolu 6:3

Wo ma, mɔ badenmalu, ài yi kɛ́ wolowulan ta ài tɛma, minu mangutu ɲuma yi fɔla ko ai joso lafanin Nii Sɛnɛyanin la, ani ko hangilima le ai le. Ài m'i wolu lasii baale wo kunna.

Lɔmukalu 1:17

Kamasɔlɔn Samakan Kein y'a jiyala ko Ala yi mɔɔlu jatela telenmande le a ɲakɔlɔ boloɲa min ne ma. A da yi minala limaniya le ma dein, a do la yi banna limaniya le ma, iwo a sɛvɛnin teme kitabu kɔnɔ, ko: «Mɔɔ telennin kɛtɔ niimaya kɛla limaniya bolo le ma.»

2 Kolɛntikalu 5:18

Wo bɛ bɔnin Ala le lɔ. A na mɔ ni ale gbu wotɛbɛnna Masa Tɔɔmasenin ne sabu la, ka wotɛbɛn baale kalifa mɔ la.

1 Timote 3:7

Wo bɛ kɔ, mangutu ɲuma yi kɛ a kɔ mɔɔlu bolo, hali minu fɛ tɛ limaniyajama la, alako a kana bila maloya lɔ ka kɛlɛ Soitana ya sɔɔ la.

Hebululu 10:38

Ǹa mɔɔ telennin kɛtɔ niimaya kɛla limaniya le boloma, kɛɛ ni a ka seikɔ a kɔma, ǹ nii la tɛnala sawala aa ko lɔ.»

Hebululu 11:2

Fɔlɔbalu ya limaniya le na kɛla sabu le, ai ka tanuli sɔlɔn.

Hebululu 12:23

Ài vɛ ài madon Ala den kunfɔlɔlu ya ladɛn na minu tɔɔ sɛvɛnin haijɛnɛ, ani k'i madon Ala gbu la, min yi mɔɔ bɛ ya kititɛɛba le, ani k'i madon mɔɔ telenninu niilu la minu ya ko bɛ da vɛ fa butu.

2 Piyɛli 3:2

ani ài kana ɲina kelayakumalu lɔ minu fɔnin lɔhɔlɔma kelalu bolo kɔlɔkɔlɔ le, ani mɔ Tii ni mɔ Lakisiba ya jamali min fɔnin ài yɛ keladennu bolo.

3 Yohana 1:12

Demetiliyusi vɛ seleyakan ɲuma sɔlɔn, mɔɔ bɛ yi min fɔla. Hali tuɲa gbu diɲanin wo ma. Ǹu gbu yi maa seleyakan lala wo kɔkan, ado i k'a lɔn ko maa seleyakan yi tuɲa le le.

Ko Lankɛnɛmayanin 14:10

wo vɛ kɛla, wo tii la yi minne Ala ya gbɛ la, min taanin kɛla aa mɔnɛya le, min ɲaamibali kɛtɔ kɛla aa mɔnɛya jiyafɛ kɔnɔ. Wo tii kɛtɔ jangatala taa ni timiliki kawa ɲɛninninu tɛma lɔhɔlɔma mɛlɛkalu ni Saa Bolan ɲakɔlɔ.