Kɛkolu 1:25 - Ala Ya Salatikan Kula Kitabu

²⁵ Wo yi keladenya baale kɛ mɔ fɛ, kamasɔlɔn Judasi vɛ baale min bila ka taa dingila dɔ lɔ, min bɛnnin a ma.»

Kɛkolu 1:25 ပူးပေါင်းရင်းမြစ်များ

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Matiyu 26:24

Ado Mɔɔnivin Tanin faatɔle iwo a sɛvɛnin kitabu kɔnɔ teme ka bɛn a ma. Kɛɛ mɔɔ min kɛtɔ a janvala, gbalo yi wo tii ma yɛ. Hali ni wo tii tɛɛ ma sɔlɔn, wo tɛɛ bɛnne a ma feu.»

Yohana 13:27

Judasi ka bulu mina mingɛ, Soitana ka don a josokun nɔ telemanin. Isa do vɛɛ a yɛ: «I yi min kɛko lɔ, i yi wo kɛ telemanin.»

Yohana 17:12

Ǹ tɛɛ ai fɛ waate min nɔ, ǹ tɛɛ ai lakanala i tɔɔ ya seetiiya le lɔ, i na tɔɔ kelen min dila m̀ ma. Ǹ n'ai kunmafɛlɛnna, ado ai suu suu ma tunun, mafɔ halakiko latɛɛnin tɛɛ mɔɔ min ma, fɔsa kitabu kɔnɔ kuma ma yi fa teme.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

1 Kolɛntikalu 9:2

Hali dɔlu ma kɛ ǹ jatela Isa ya keladen ne, kɛɛ àilu yi ǹ yena wo le le. Kamasɔlɔn àilu gbu yi ǹa keladenya tɔɔmase le le mɔ Tii ya kafonɲɔɔya lɔ.

Galatiyakalu 2:8

Kamasɔlɔn Ala min na Piyɛli kɛla keladen ne Jahudiyalu tɛma, ale Ala kelen ne na ǹe fana kɛla keladen ne siboloma gbɛlɛ mɔɔlu tɛma.