Jude 1:9 - Ala Ya Salatikan Kula Kitabu

⁹ Hali mɛlɛka kuntiiba Mingailu gbu m'a wakali ka Soitana jobaliya lafeyalikan ne, ai tɛɛ i ɲɔɔ sɔsɔla waate min nɔ ka bɛn Nabi Musa fuleni ya ko ma, mafɔ a vɛɛ: «Ǹ Tii i latɔn!»

Jude 1:9 ပူးပေါင်းရင်းမြစ်များ

Malɛkɛ 15:29

Timinsennɔmɔɔlu tɛɛ a jɛvɛla, k'ai kun lafilifili a ma. Ai do vɛɛ a yɛ: «Bɔɔ! Ile min y'a ko i yi sene lɔhɔlɔmabonba tela k'a lɔ kɔtunun tele sawa kɔlɔ,

1 Tɛsalonikakalu 4:16

Kamasɔlɔn wo lon na, jamalikan ba dɔ kɛtɔ bɔla, ani mɛlɛka kuntiiba kan, ani Ala ya buulufɛkan, ado mɔ Tii Isa gbu kɛtɔ jiila ka bɔ sangbolo lɔ. Wo vɛ kɛla, mɔɔ minu sanin Masa Tɔɔmasenin ya kafonɲɔɔya lɔ, wolu le kɛtɔ ai wulila kunfɔlɔ le.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

2 Piyɛli 2:11

Kɛɛ hali mɛlɛka minu fanga ni aiya seetiiya walanin ka timin faɲafɔ kalanmɔɔ wolu ta la, wolu tɛ diɲala ka nii nɔɔlɔnin wolu jobaliya lafeyalikan ne mɔ Tii ɲakɔlɔ.

Ko Lankɛnɛmayanin 12:7

Wo kɔ, kɛlɛ ka wuli haijɛnɛ. Mɛlɛka kuntiiba Mingailu ni aa mɛlɛkalu ka kɛlɛ bila jijala la, ado jijala ni aa mɛlɛkalu k'ai kɛlɛ fana.