Jude 1:3 - Ala Ya Salatikan Kula Kitabu

³ Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.

Jude 1:3 ပူးပေါင်းရင်းမြစ်များ

Kɛkolu 17:3

ka wolu kɔlɔ fɔ k'a lagbɛ ko Masa Tɔɔmasenin tɛɛ ka kan ka tɔlɔya, ka ban k'i wuli ka bɔ saya lɔ. A do vɛɛ: «Ǹ'i Isa min ya ko lasena ài ma yi ne, ale le Masa Tɔɔmasenin ne.»

Kɛkolu 18:28

Kamasɔlɔn a tɛɛ Jahudiyalu ya kumalu kɔlɔbɔla fanga la bala lɔ, k'a lagbɛ ai yɛ kitabulu fɛ ko Isa le Masa Tɔɔmasenin ne.

Kɛkolu 20:27

Kamasɔlɔn m̀'ɛ Ala ya kolatɛɛnin bɛ fɔ ài yɛ, m̀ ma a suu suu doon ài ma.

Kɛkolu 28:28

Pɔli k'a dɔ la kuma wo kɔkan, a vɛɛ: «Ài y'a lɔn ko Ala ya kisiko la vɛ se siboloma gbɛlɛ mɔɔlu ma. Wolu do kɛtɔ ai tolomalɔla a la!»

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Kɛkolu 9:13

Ananiya do vɛɛ: «Ɛɛ, ǹ Tii! M̀'ɛ a mɛn mɔɔ siyama da ko kɛ́ min vɛ koyon siyama kɛ iya mumininnu la Jelusalɛmu.

Kɛkolu 9:22

Kɛɛ a dɔ ka to lala Sawuli fanga kɔkan haan fɔɔ ka Damase Jahudiyalu kɔnɔlɔfili, kamasɔlɔn a k'a lagbɛ ai yɛ ko Isa le Masa Tɔɔmasenin ne.

1 Kolɛntikalu 15:3

Ǹ na kalan kulugbɛlɛn min sɔlɔnna, ǹ na wo le lasena ài ma kunfɔlɔ le: Masa Tɔɔmasenin sanin maa julumbulu ya ko le lɔ iwo a sɛvɛnin kitabu kɔnɔ teme.

Galatiyakalu 2:5

Kɛɛ mɔ ma mɔ tolomalɔ ai la hali dɔni ne, fɔsa tuɲa ka bɛn Samakan Kein ma, wo yi to a nɔ lɔ ài yɛ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Galatiyakalu 6:11

Ài yi sɛvɛli kolo baba minu lasaa, ǹ'i minu sɛvɛla ǹe gbu bolo le.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

Filipikalu 1:1

Ǹe Pɔli ni Timote le yi lɛtɛlɛ min sɛvɛla, ǹu minu kɛnin Masa Tɔɔmasenin Isa ya bɔiden ne. M'a lataala mumininnu ma minu kafonnin Masa Tɔɔmasenin Isa kɔkan Filipi so kɔnɔ, ani limaniyajama kunmafɛlɛnbalu ni ai makoɲabɔbalu.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Kɔlɔsikalu 1:2

k'a lataa mumininnu ma Kɔlɔsi so kɔnɔ, àilu minu tanin kɛla mɔ badenma lanandelu le Masa Tɔɔmasenin ya kafonɲɔɔya lɔ. Mɔ Fa Ala ya nɛɛma yi kɛ ài yɛ, k'ài josolajii.

1 Tɛsalonikakalu 2:2

Ài do k'a lɔn ne mɔ na tɔlɔya ni jɛvɛli masɔlɔnna teme Filipi so kɔnɔ jani mɔ tɛɛ se ài fɛlɔ. Hali mɔɔ siyama tɛɛ v'i wuli mɔ kanma, mɔ Tii Ala na mɔ josolagbeleyala ka aa Samakan Kein lase ài ma.

1 Timote 1:18

Ǹ denkɛ Timote, ǹ'i jamali min kalifala i la, k'a la kelayakumalu kɔkan minu fɔnin ka bɛn i ma kɔlɔman ne. Kuma wolu yi kɛ kɛlɛkɛfen ne, i yi se kɛlɛ ɲuma kɛla min ne,

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

2 Timote 1:13

Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

Tite 1:4

Ǹ'i min sɛvɛla ile Tite le ma, ǹ denkɛ bɛlɛbɛlɛ ka bɛn mɔ dɛɛn ma limaniya kelen na. Mɔ Fa Ala ni mɔ Lakisiba Masa Tɔɔmasenin Isa ya nɛɛma yi kɛ i yɛ, k'i josolajii.

Hebululu 13:22

M̀ badenmalu, ǹ'ài madiyala, ài y'ài bolo sii ài sɛmɛdon kuma minu kɔlɔ, kamasɔlɔn ǹ na kuma dana le sɛvɛla ài ma dein.

Hebululu 6:9

Mɔ diyananmɔɔlu, hali ni mɔ ka kɛ kuma minu fɔla yi ne, mɔ gbɛyine a ma ko ài yi siya bɛlɛ le kɔkan, kisiko yi sɔlɔnna min fɛ.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 2:21

A tɛɛ bɛnne ai ma ni ai tɛɛ ma telenmandeya siya lɔn feu, jani ai tɛɛ a lɔn ka ban k'ai kɔdon jamali sɛnɛyanin na min dinin ai ma.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Jude 1:17

Kɛɛ àilu, ǹ diyananmɔɔlu koni, ài y'ài hangili to kelayakumalu lɔ, minu fɔnin kɔlɔman ne mɔ Tii Masa Tɔɔmasenin Isa ya keladennu bolo.

Jude 1:20

Kɛɛ àilu, ǹ diyananmɔɔlu koni, ài limaniyanin kuma sɛnɛyanin minu ma, ài y'ài ɲɔɔ lasawati wolu le, ka kɛ Ala dalila Nii Sɛnɛyanin sabu la.

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.