Jude 1:13 - Ala Ya Salatikan Kula Kitabu

¹³ Ai kɛyine iwo kɔɔji kilinkilin magbɛlɛn min yi taa ni sei kɛla, aiya malobaliyakolu vɛ bɔla gbɛ la iwo kɔɔji kaanvu yi bɔla teme. Ai do kɛyine kɔtunun iwo loloni minu yi timintiminna sanma. Divi fin mainmain le ladalonin ai kanma kudein.

Jude 1:13 ပူးပေါင်းရင်းမြစ်များ

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

2 Piyɛli 2:17

Faɲafɔ kalanmɔɔ wolu kɛyine iwo falakɔɔ vɛ jala, ani sanfin vɛ fola fɔɲɛ bolo. Divi fin mainmain ne ladalonin ai kanma.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»