Janguba 5:7 - Ala Ya Salatikan Kula Kitabu

⁷ Wo lɔ, m̀ badenmalu, ài y'ài sawali haan fɔɔ mɔ Tii nalon yi se. Ài y'a ye sɛnɛkɛbalu yi sɛnɛfen kulugbɛlɛnnu makɔnɔna teme ka bɔ aiya sɛnɛlu lɔ sawali boloma. Ai do sawalinin yi tola haan fɔɔ sanji kunfɔlɔ ni a labannu yi na.

Janguba 5:7 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 24:27

Kamasɔlɔn Mɔɔnivin Tanin nalon kɛtɔle iwo sanmɛnɛn yi bɔla teme telebɔ fannɔ ka se teleben fannɔ.

Matiyu 24:44

Wo lɔ, àilu fana lɔbɛnnin yi to, kamasɔlɔn Mɔɔnivin Tanin natɔ waate dɔ lɔ, ài jii tɛ waate min ma.

Luka 18:8

Ǹ'a fɔ ài yɛ, Ala yi jo dile ai ma jona! Wo bɛ n'a kɛ, Mɔɔnivin Tanin vɛ nala lon min na, jalasa a yi limaniya talanne duukolo kɔkan?»

Luka 21:27

Wo waate lɔ, ai kɛtɔ Mɔɔnivin Tanin natɔla yena sanbiliya lɔ, seetiiya ni magbiliyali ba boloma.

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Yohana 21:22

Isa k'a javi, a vɛɛ: «Ni ǹ'a fɛ a yi to a nii la haan fɔɔ m̀'ɛ ǹ kɔseila lon min na, iya ko mindɛ le wo lɔ? Fɔ i yi bila ǹ kɔ!»

Yohana 21:23

Kuma wo ka jɛzɛn Isa kɔbiladennu tɛma ko wo tii tɛnala sala. Kɛɛ Isa tɛɛ m'a fɔ a yɛ ko a tɛnala sala, mafɔ a vɛɛ: «Ni ǹ'a fɛ a yi to a nii la haan fɔɔ m̀'ɛ ǹ kɔseila lon min na, iya ko mindɛ le wo lɔ?»

Lɔmukalu 15:4

Ko minu bɛ sɛvɛnin kɔlɔkɔlɔ le, wolu sɛvɛnin mɔ kalanko le lɔ, fɔsa m'i jeisii sɔlɔn ka bɛn sawali ni sɛmɛdonko ma, lɔhɔlɔma kitabulu yi minu dila mɔ ma.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

1 Kolɛntikalu 1:7

Wo lɔ saa, Ala yi sɔli minu dila, ài dɛsɛnin tɛ wo foi la, ài vɛ mɔ Tii Masa Tɔɔmasenin Isa nalon makɔnɔna.

Galatiyakalu 5:5

Ǹu koni jei siinin k'a fɔ ko Ala kɛtɔ mɔ jatela telenmande le, ado Nii Sɛnɛyanin yi mɔ madɛmɛnna ka wo le makɔnɔ limaniya boloma.

Galatiyakalu 6:9

Mɔ kà sɛyɛ koɲumakɛko lɔ, kamasɔlɔn ni mɔ falilɔ ma teeya k'a dabila, mɔ kɛtɔ maa koɲuma sala sɔlɔnna a waate bɛlɛ le lɔ.

Kɔlɔsikalu 1:11

M'i Ala dalila kɔtunun k'a fɔ ko a ài sɛmɛdon boloɲa suu bɛ ma ka bɛn aa fanga makawanin ma, fɔsa ài yi se ko bɛ minala ài ma sawali ni josoladiya boloma.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

1 Tɛsalonikakalu 2:19

Mɔ v'i lɔla mɔ Tii Isa ɲakɔlɔ a nalon na, ka bɔ àilu kɔ, mɔ jei siinin jene la ka kɛ maa sawa ni maa ɲalɔkɛnɛya sabu le?

1 Tɛsalonikakalu 3:13

Mɔ Tii y'ài joso bama fɔsa ài yi kɛ mɔɔ sɛnɛyanin ni jalakibali le mɔ Fa Ala ɲakɔlɔ, mɔ Tii Isa vɛ nala lon min na aa mumininnu bɛ fɛ.

Hebululu 6:15

Ibulahima do k'a sawali haan fɔɔ a ka lahedi tanin sɔlɔn.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

Janguba 5:10

M̀ badenmalu, ài yi kelalu ya sawali ni aiya tɔlɔyalu kɛ misali le, minu ka kuma mɔ Tii tɔɔ lɔ.

Janguba 5:3

Soon vɛ àiya sanu ni wɔligbɛlu mina. Soon wo le kɛtɔ sele le ài kanma k'ài falisoo tiɲa iwo taa. Ài vɛ nafololu ladɛn ài jɛlɛ yɛ waate laban min nɔ.

2 Piyɛli 3:4

Ai do kɛtɔ a fɔla, ai vɛɛ: «Jalasa Isa na lahedi tala ko a kɔseitɔ, kɛlɛ? A yi min ne vɛ? Ka ta mɔ bemanu ya saya ma, dunuɲa ka dan boloɲa min ma, a yi wo boloɲa kelen ne ma hali bi.»