Janguba 5:16 - Ala Ya Salatikan Kula Kitabu

¹⁶ Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

Janguba 5:16 ပူးပေါင်းရင်းမြစ်များ

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Matiyu 3:6

Ai tɛɛ vɛ ai dalabɔla aiya julumbulu la, Yaya tɛɛ ai mako Julidɛn kɔɔ kɔlɔ.

Malɛkɛ 1:5

Mɔɔ siyama tɛɛ bɔla Jude koovi lɔ ani Jelusalɛmu so kɔnɔ ka taa Yaya fɛlɔ. Ai tɛɛ vɛ ai dalabɔla aiya julumbulu la, Yaya tɛɛ ai mako Julidɛn kɔɔ kɔlɔ.

Luka 9:6

Wo fɔ Isa bolo, aa keladennu vɛ siya minala ka taa so ni solu la, ai vɛ Samakan Kein lasena, ani ka jangalotɔlu lakɛnɛya fan bɛ lɔ.

Yohana 9:31

Mɔ k'a lɔn Ala tɛ julumbutɔ ya madailikan minala, kɛɛ mɔɔ mɔɔ vɛ Ala buɲala k'a sawo kɛ, a yi wo tii ya madailikan ne minala.

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 19:18

Mɔɔ minu tɛɛ vɛ limaniya, wolu siyama ka na k'ai dalabɔ ai kɛkolu ma.

Kɛkolu 8:24

Simɔn k'a javi, a vɛɛ: «Ài yi mɔ Tii madiya ǹ yɛ, fɔsa ài na min fɔla yi ne, wo suu suu kana kɛ ǹ na.»

Lɔmukalu 3:10

A sɛvɛnin kitabu kɔnɔ tan ne, ko: «Mɔɔ foi telennin tɛ, hali mɔɔ den kelen gbu!

Lɔmukalu 5:19

Kɛ́ kelen ya kolobaliya na kɛla sabu le ka mɔɔ siyama kɛ julumbutɔ le. Wo boloɲa kelen ma, ka bɛn kɛ́ kelen ya kannabatoli ma, mɔɔ siyama jatetɔ telenmande le le.

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

1 Tɛsalonikakalu 5:17

Ài kà Aladali boloka.

1 Tɛsalonikakalu 5:23

Ala gbu min yi josolajii dila, wo y'ài kɛ mɔɔ sɛnɛyanin ne boloɲa bɛ ma. Ala yi ài nunakili ni ài josokun ni ài falikolo bɛ matanga, fɔsa ài yi kɛ jalakibali le mɔ Tii Masa Tɔɔmasenin Isa nalon.

1 Tɛsalonikakalu 5:25

Mɔ badenmalu, ài yi Ala dali mɔ yɛ.

Hebululu 11:4

Habila ya limaniya le na kɛla sabu le, a ka salaka bɔ min ka diya Ala yɛ ka timin Kabila ta la. Aa limaniya ka kɛ sabu le, a ka tanuli sɔlɔn k'a jate telenmande le, kamasɔlɔn Ala k'a bolo sii aa salaka kɔlɔ. Ado ka bɛn aa limaniya ma, hali a sanin ka kɛ, a yi kumala hali bi.

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

Hebululu 12:13

ka siya telenninu ladan ài sennu yɛ, fɔsa minu yi jiila ai tɔɔ ma, wolu sen kana mua, mafɔ ka basi.

Hebululu 13:18

Ài yi to Ala dalila mɔ yɛ. Mɔ lanin a la k'a fɔ mɔ josolɔgbɛyine, kamasɔlɔn a lɔɔ yi mɔ la mɔ taamaɲa yi bɛn ko bɛ lɔ.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.