Janguba 5:13 - Ala Ya Salatikan Kula Kitabu

¹³ Jalasa mɔɔ dɔ y'ài tɛma min tɔlɔyanin? Wo vɛ kɛla, wo tii yi Ala dali. Jalasa mɔɔ dɔ y'ài tɛma min kɔnɔlɔdiyanin? Wo vɛ kɛla, wo tii yi baiti la.

Janguba 5:13 ပူးပေါင်းရင်းမြစ်များ

Matiyu 26:30

Wo kɔ, ai ka baiti la, ka bɔ je ka taa Zeituna tini kɔkan.

Luka 22:44

Isa ka to josomakasi lɔ, a k'a dɔ la aa madaili kɔkan, a talaji vɛ benbenna duu ma iwo jeli.

Luka 23:42

A do vɛɛ: «Isa, i vɛ nala iya masaya lɔ waate min nɔ, i i hangili to ǹ nɔ.»

1 Kolɛntikalu 14:15

Ǹ'i mindɛ le kɛ wo lɔ? Ǹ kɛtɔ Ala dalila ǹ josokun ne ani ǹ hangili le fana, ka baiti la ǹ josokun ne ani ka baiti la ǹ hangili le kɔtunun.

1 Kolɛntikalu 14:26

M̀ badenmalu, ài ka kan k'a kɛ di wo lɔ? Ni ài vɛ ladɛn kɛla waate min nɔ, ni mɔɔ dɔ y'a fɛ ka baiti la, a a la. Ni kalan y'a dɔgbɛlɛ fɛ, a yi mɔɔlu kalan. Ni ko lankɛnɛmayanin dɔ ka kɛ a dɔgbɛlɛ fɛ ka bɔ Ala fɛ, wo tii y'a fɔ. Ni dɔ y'a fɛ ka kuma kan gbɛlɛ lɔ, a yi kuma. Ni a see yi mɔɔ dɔ yɛ ka kan gbɛlɛ wo latimin, a a latimin. Kɛɛ ko bɛ yi kɛ ka bɛn limaniyajama lasawatiko le ma.

Ɛfɛsikalu 5:19

Ài i ɲɔɔ sɛmɛdon Zabuli kitabu dɔngililu le, ani baitilu, ani dɔngililu Nii Sɛnɛyanin yi minu dila. Ài yi dɔngililu la ka mɔ Tii tanu ài josokun bɛ le!

Hebululu 5:7

Isa ya dunuɲalɔtɛɛ lɔ, a ka madaili ni madiyali kɛ Ala yɛ kasikan ba ni ɲaji lɔ, a see tɛɛ min yɛ k'a lakisi saya ma. Ado Ala ka aa madailikan javi ka bɛn a ɲasiyanɲɛ le ma.

Janguba 5:10

M̀ badenmalu, ài yi kelalu ya sawali ni aiya tɔlɔyalu kɛ misali le, minu ka kuma mɔ Tii tɔɔ lɔ.

Ko Lankɛnɛmayanin 14:3

Ai do tɛɛ baiti kula lala masayasiifen ɲafɛla lɔ, ani niimafen naani wolu ni kɛmɔbalu ɲakɔlɔ. Mɔɔ tɛɛ tɛ se baiti wo makalanna, mafɔ mɔɔ waa kɛmɛ ni mɔɔ waa binaani ni naani (144 000) wolu, Ala na minu kunmakala dunuɲamɔɔlu tɛma.

Ko Lankɛnɛmayanin 7:10

Ai do tɛɛ a fɔla kan ba lɔ, ai vɛɛ: «Kisiko bɔnin mɔ Tii Ala le fɛ min siinin masayasiifen nɔ, ale ni Saa Bolan!»