Janguba 5:11 - Ala Ya Salatikan Kula Kitabu

¹¹ Ài y'a ye, mɔɔ minu n'ai sawalila, m'i wolu jatela duwawudennu le teme. Ài na Sedina Ayuba ya sawali mangutu mɛnna, ani ài k'a lɔn mɔ Tii ka labanko ɲuma min di a ma. Kamasɔlɔn mɔ Tii ya henandeya ni aa maɲumandeya walayine bubale.

Janguba 5:11 ပူးပေါင်းရင်းမြစ်များ

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Luka 1:50

A aa henandeya jiyala a ɲasiyanɲɛbalu le la ani wolu bɔzɔnnu.

Luka 11:10

Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ.

Luka 6:36

Ài yi kɛ henandelu le, iwo ài Fa Ala yi henande le teme.»

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 2:4

Kɛɛ wo bɛ n'a kɛ, Ala min ya henandeya walanin, a na kanundeya ba le jiyala mɔ la.

Hebululu 10:39

Ǹu do fɛ tɛ mɔɔ wolu la minu yi seikɔla ai kɔma ka halaki, mafɔ minu yi tola limaniya siya kɔkan ka kisi.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 1:2

M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 3:14

Kɛɛ hali ni ài ka tɔlɔya masɔlɔn ka bɛn telenmandeya ma, ài kɛtɔ duwawuden ne le wo lɔ. Ài kà siyan mɔɔlu ɲa, ài do hangili kà ɲaami.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.