Janguba 4:9 - Ala Ya Salatikan Kula Kitabu

⁹ Ài àiya fandanniya lɔn, k'ài josomakasi, ani k'ài ɲaji bɔ! Àiya jɛlɛ ma yi falin k'a kɛ kasi le, k'àiya kɔnɔlɔdiya kɛ niilafin ne.

Janguba 4:9 ပူးပေါင်းရင်းမြစ်များ

Matiyu 21:41

Ai do ka Isa javi, ai vɛɛ: «A kɛtɔ mɔɔ kolon wolu halakila henabaliya boloma. Wo vɛ kɛla, a kɛtɔ gbele kalifala mɔɔ gbɛlɛlu la, minu kɛtɔ a ta nii dila a ma a waate bɛlɛ lɔ.»

Matiyu 5:4

Duwawuden ne mɔɔ josomakasaninnu le, kamasɔlɔn Ala kɛtɔ ai josolajiila.

Luka 16:25

Kɛɛ Nabi Ibulahima do vɛɛ a yɛ: ‹Ǹ den, i yi mili, i na kaila siyama sɔlɔnna k'a dafa iya dunuɲalɔtɛɛ lɔ, k'a talan Lazali do na aa dunuɲalɔtɛɛ kɛla tɔlɔya le lɔ. Kɛɛ bi, a vɛ josolajii sɔlɔn, k'a talan ile do yi jangata le lɔ.

Luka 6:21

Duwawuden ne ài le, kɔɔn yi àilu minu la yi ne, kamasɔlɔn ài kɛtɔ balo sɔlɔnna k'ai wasa. Duwawuden ne ài le, àilu minu yi kasila yi ne, kamasɔlɔn ài kɛtɔ jɛlɛla.

Luka 6:25

Gbalo yi ài yɛ, àilu minu fanin ne butu, kamasɔlɔn kɔɔn kɛtɔ gbala ài la. Gbalo yi ài yɛ, àilu minu yi jɛlɛla yi ne, kamasɔlɔn ài kasitɔ k'ài ɲaji bɔ.