Janguba 4:11 - Ala Ya Salatikan Kula Kitabu

¹¹ M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

Janguba 4:11 ပူးပေါင်းရင်းမြစ်များ

Luka 6:37

«Ài k'ài mɔɔɲɔɔlu ya kiti tɛɛ, fɔsa Ala kana àilu gbu kiti. Ài do k'ài mɔɔɲɔɔlu jobaliya, fɔsa Ala kana àilu gbu jobaliya. Ài y'ài mɔɔɲɔɔlu makoto, Ala fana kɛtɔ àilu gbu makotola.

Lɔmukalu 2:1

Wo lɔ saa, ile adamaden, ni i ka dɔlu kiti, kumanɔbɔ dailu t'i bolo, hali ni i ka kɛ mɔɔ suu suu le. Kamasɔlɔn ni i ka dɔlu kiti, i i jɛlɛ le jobaliyala wo le, kamasɔlɔn ile gbu yi ko suu wolu le kɛla.

Lɔmukalu 2:13

Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

Lɔmukalu 7:7

M'i mindɛ le fɔ butu? Jalasa m'a fɔ ko seliya gbu yi julumbuko le le? Wo tɛ dɛ! Kɛɛ ni seliyako tɛɛ tɛ, ǹ tɛɛ tɛnala julumbuko lɔnna. Ǹ tɛɛ tɛnala natako lɔnna ni a tɛɛ ma sɛvɛ seliya kitabu kɔnɔ, ko: «Ài kà ài nata la ài mɔɔɲɔɔ bolofen kɔkan.»

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Ɛfɛsikalu 4:31

Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

2 Timote 3:3

ani mɔɔ kataigbɛlɛn, ani henabali, ani tɔɔtiɲalikɛba, ani jɛlɛlɔminabali, ani mɔɔ josolatɛɛnin, ani ɲagbo,

Tite 2:3

Wo boloɲa kelen ma, i y'a fɔ mosokɔlɔbalu yɛ ko ai yi Ala buɲa ai kokɛɲalu lɔ. Ai kà kɛ tɔɔtiɲalikɛba le. Ai do kà gbɛ buba min ka kɛ gbɛ ya jɔn ne. Mafɔ, ai yi mɔɔlu kalan koɲuma la,

Janguba 1:16

Ǹ diyanan badenmalu, ài kà diɲa ài la yi fili.

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 1:25

Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

Janguba 2:8

Ni ài ka Ala ya masaya seliya latelen iwo a sɛvɛnin kitabu kɔnɔ teme, ko: «I siiɲɔɔ kanu iwo ile gbu,» wo vɛ kɛla, ài gbu v'a kɛ kobɛn.

Janguba 5:10

M̀ badenmalu, ài yi kelalu ya sawali ni aiya tɔlɔyalu kɛ misali le, minu ka kuma mɔ Tii tɔɔ lɔ.

Janguba 5:7

Wo lɔ, m̀ badenmalu, ài y'ài sawali haan fɔɔ mɔ Tii nalon yi se. Ài y'a ye sɛnɛkɛbalu yi sɛnɛfen kulugbɛlɛnnu makɔnɔna teme ka bɔ aiya sɛnɛlu lɔ sawali boloma. Ai do sawalinin yi tola haan fɔɔ sanji kunfɔlɔ ni a labannu yi na.

Janguba 5:9

M̀ badenmalu, ài k'ài makasi i ɲɔɔ kan, fɔsa kiti kana bila ài la. Ài y'a ye, Kititɛɛba lɔnin donda la!

1 Piyɛli 2:1

Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.