Janguba 3:17 - Ala Ya Salatikan Kula Kitabu

¹⁷ Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

Janguba 3:17 ပူးပေါင်းရင်းမြစ်များ

Matiyu 23:28

Wo boloɲa kelen ma, ài kɛnin mɔɔlu ɲana iwo telenmandelu, k'a talan ài kɔnɔlɔ fanin filangafoya ni koyon na.

Matiyu 5:8

Duwawuden ne mɔɔ josolɔgbɛninnu le, kamasɔlɔn ai kɛtɔ Ala yena.

Matiyu 5:9

Duwawuden ne mɔɔ wolu le, minu yi josolajii ladonna mɔɔlu wotɛ, kamasɔlɔn Ala kɛtɔ a fɔla ai ma ko a dennu.

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Luka 6:36

Ài yi kɛ henandelu le, iwo ài Fa Ala yi henande le teme.»

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:47

Isa ka Nataniyɛli natɔla ye a ma mingɛ, a ka kuma ka bɛn a ma, a vɛɛ: «Bani Isilanka gbugbu le min ne, min joso lɔgbɛnin.»

Kɛkolu 11:24

Baanabasi tɛɛ mɔɔ ɲuma le le, min ya limaniya walanin tɛɛ kosɛvɛ, ani min joso lafanin tɛɛ Nii Sɛnɛyanin la. Wo le k'a kɛ, mɔɔ siyama ka limaniya mɔ Tii ma je.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Lɔmukalu 12:18

Ài y'ài senko bɛ kɛ fɔsa josolajii yi kɛ àilu ni mɔɔ bɛ wotɛ.

Lɔmukalu 12:9

Àiya kanundeya yi kɛ josolɔgbɛya boloma. Ài yi koyon lagbeyaɲɛ, k'ài bolo kɛ kokein na kpekpe.

Lɔmukalu 15:14

M̀ badenmalu, ǹe gbu layine a la ko àiya ɲumaya dafayine, ani àiya lɔnni walayine, ani a see y'ài yɛ k'i ɲɔɔ lali.

1 Kolɛntikalu 12:8

Nii Sɛnɛyanin yi see dila dɔ ma ka kuma hangilimaya boloma, ka see di a dɔgbɛlɛ ma ka kuma lɔnni boloma.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 6:6

Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

2 Kolɛntikalu 9:10

Wo lɔ saa, Ala min yi sɛnɛfensi dila sɛnɛkɛba ma, ka bulu di a ma a balo le, ale le kɛtɔ àiya sɛnɛfensi lawalala, k'ài kɛkolu lasawati minu bɔnin àiya telenmandeya lɔ.

Ɛfɛsikalu 5:9

Kamasɔlɔn ɲumaya ni telenmandeya ni tuɲandeya suu bɛ yi nala kɛnɛya le fɛ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

1 Tɛsalonikakalu 2:7

Kɛɛ do, mɔ sɔniyanin tɛɛ ài tɛma, iwo dematii y'a jandola a dennu lɔ teme.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.

2 Timote 2:24

Mɔ Tii ya bɔiden ma kan ka kɛ sɔsɔyalikɛba le, mafɔ a yi kɛ ɲumayande le le mɔɔ bɛ ma, min yi se ka mɔɔlu kalan k'aiya kolu kun a lɔ sawali boloma,

Tite 1:15

Fen bɛ sɛnɛyanin mɔɔ sɛnɛyaninnu bolo, kɛɛ foi sɛnɛyanin tɛ mɔɔ kɔsɔnin limaniyabalilu bolo, kamasɔlɔn ai hangili ni ai miliya bɛ le lakɔsɔnin.

Tite 3:2

Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Hebululu 12:11

Tuɲa le, makololi suu suu tɛ diyala mɔɔ yɛ a kɛ waate, a do yi kɛla a bolo niilafin ne le. Kɛɛ kɔfɛ, wo tii yi makololi wo tɔnɔ sɔlɔnne, min kɛnin josolajii ni telenmadeya le.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.

Janguba 1:17

Fen ɲuma ni sɔlifen dafanin suu bɛ yi bɔla Fa Ala le fɛlɔ sanma, min na sangbolokɔnɔ mɛnɛnfennu ladanna. A tɛ jɛlɛmana ka bɔ a kɛɲa ma, ado aa kɛnɛya tɛ se nɔla divi bolo.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 2:13

Kamasɔlɔn ni mɔɔ min ma hena dɔlu la, wo tii ya kiti tɛnala tɛɛla henandeya boloma. Henandeya le yi see sɔlɔnna kiti ma.

Janguba 2:4

ni ài ka wo kɛ, ài ma a dɔ lafisaya a dɔ le ài tɛma, k'ài jɛlɛ kɛ kititɛɛba sɔn yonnu le?

Janguba 3:15

Hangilimaya suu wo tɛ bɔla haijɛnɛ, mafɔ dunuɲa jan. Adamaden jɛlɛlalu ta le wo le, ani jinalu.

Janguba 4:8

Ài y'ài madon Ala la, a do kɛtɔ a madonna ài la. Àilu julumbutɔlu, ài y'ài bololu lako. Àilu miliyafilatiilu, ài y'ài josokun lasɛnɛya.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 2:1

Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.

1 Piyɛli 2:18

Àilu bɔidennu, ài y'ài fanmajii àiya kuntiilu yɛ k'ai buɲa boloɲa bɛ ma. Ài kà dan wo kɛko ma àiya kuntii ɲumalu yɛ minu sɔniyanin ài yɛ, mafɔ minu faiyanin ài ma fana.

1 Yohana 3:18

Ǹ dennu, maa ɲɔɔkanuko kà dan dalɔkuma ma dein. Fɔ a yi kɛ kanundeya bɛlɛbɛlɛ le le, min yi lɔnna mɔ kɛkolu fɛ.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.