Janguba 3:13 - Ala Ya Salatikan Kula Kitabu

¹³ Jene yi lɔnnila ni hangilima le ài tɛma? Fɔ wo tii y'a jiya a taamaɲa ɲuma fɛ ko a a kɛkolu kɛla fanmajii le lɔ hangilimaya boloma.

Janguba 3:13 ပူးပေါင်းရင်းမြစ်များ

Matiyu 11:29

Ài yi diɲa ǹa kuntiiya ma iwo nisi yi diɲala sɛnɛkɛdawa ma teme, ani ka lɔnni sɔlɔn ǹ fɛ. M̀ mafanin, ǹa ko gbeleyanin tɛ. Ài vɛ nala ǹ ma, ài kɛtɔ nɔningɛ sɔlɔnna.

Matiyu 21:5

«A fɔ Ziyɔn sodennu yɛ, ko: ‹Ài y'a ye, àiya masakɛ yi nala ài ma. A do siinin sofalinimoso kɔkan fanmajii boloma, sofalini bolan, sofalinimoso den koni.› »

Matiyu 5:5

Duwawuden ne mɔɔ mafaninnu le, kamasɔlɔn duukolo kɛtɔ ai ta le le.

Matiyu 7:24

«Mɔɔ mɔɔ v'a tolomalɔla ǹ kumakannu la k'ai labato, wo tii kɛtɔ iwo kɛ́ hangilima min na aa bon lɔla fala kɔkan.

1 Kolɛntikalu 6:5

Ǹ'i min fɔla yi ne, wo y'ài lamaloyako le le. Jalasa hangilima kelen gbu tɛ ài tɛma, min yi se ko suu wo ɲabɔla badenma fila wotɛ?

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 8:24

Wo le y'a ma, ài àiya kanundeya lagbɛ ai yɛ, fɔsa limaniyajamalu yi wo ye k'a lɔn ko jo yi mɔ bolo ka bɛn maa ɲalɔkɛnɛya ma àiya ko lɔ.

Galatiyakalu 5:23

sɔniyali, ani jɛlɛlɔmina. Seliya pa tɛ je ko suu wolu kanma.

Galatiyakalu 6:1

M̀ badenmalu, ni mɔɔ dɔ ka mina hakɛ dɔ la, àilu minu yi taamana ka bɛn Nii Sɛnɛyanin sawo ma, ài yi wo tii laseikɔ siya bɛlɛ kɔkan sɔniyali boloma. Kɛɛ ài jando ài jɛlɛ lɔ, àilu gbu ma kana nɛɛ ka wo ɲɔɔzii kɛ.

Galatiyakalu 6:4

Kɛɛ fɔ mɔɔ kelenkelenna bɛ y'a jɛlɛkanu kɛkolu lakɔlɔsi. Ni ai bɛnnin ka kɛ, a yi sene a jɛlɛ buɲala ka bɛn a jɛlɛkanu kɛkolu ma, a do tɛnala a jɛlɛ sumala mɔɔ gbɛlɛ ma.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

2 Timote 2:25

a v'a kɛlɛkɛɲɔɔlu bilala siya ɲuma kɔkan sɔniyali boloma. Tumadɔ Ala kɛtɔ ai madɛmɛnna fɔsa ai y'ai jɛlɛ lasei a ma, ka tuɲa lɔn.

Tite 3:2

Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Hebululu 13:5

Ài yi wɔliko nata bɔ àiya dunuɲalɔtɛɛ lɔ, ài sɔlɔnfennu y'ài ɲɛnɛ, kamasɔlɔn Ala n'a fɔla, a vɛɛ: «Ǹ tɛnala i bilala, kumatɛ ka m̀ ban i lɔ.»

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

Janguba 2:18

Kɛɛ ni dɔ k'a fɔ ko: «Ile limaniyayine, ǹe do yi kɛko ɲumalu le kɛla,» wo vɛ kɛla, ǹ kɛtɔ wo tii javila, ǹ ko: «Iya limaniya jiya vɛ ǹ na ka bɔ i kɛko ɲumalu kɔ, ǹe do kɛtɔ ǹa limaniya jiyala i la ka bɛn ǹ kɛko ɲumalu le ma.»

Janguba 3:1

M̀ badenmalu, ài siyama man kan ka kɛ kalanmɔɔlu le, kamasɔlɔn ài k'a lɔn ne ǹu kalanmɔɔlu ya kiti gbeleyatɔle ka timin dɔlu ta la.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Piyɛli 1:15

mafɔ ài yi sɛnɛya ài kɛkolu bɛ lɔ iwo Ala sɛnɛyanin teme min n'ài kilila.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:4

mafɔ àiya keinya yi kɛ ài josokun ne lɔ, ka bɛn ài dajoo sɔniyanin ni ài mafaɲa ma. Keinya wo suu tɛ tununna, a do kulugbeleyayine Ala ɲakɔlɔ.