Janguba 3:1 - Ala Ya Salatikan Kula Kitabu

¹ M̀ badenmalu, ài siyama man kan ka kɛ kalanmɔɔlu le, kamasɔlɔn ài k'a lɔn ne ǹu kalanmɔɔlu ya kiti gbeleyatɔle ka timin dɔlu ta la.

Janguba 3:1 ပူးပေါင်းရင်းမြစ်များ

Matiyu 10:24

«Kalannaden tɛ buɲa sɔlɔnna ka timin aa kalanmɔɔ la. Jɔn fana tɛ buɲa sɔlɔnna ka timin aa jɔnfa la.

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 9:11

Wo ye Falisilu bolo, ai k'a fɔ Isa kɔbiladennu yɛ, ai vɛɛ: «Mindɛ lɔ àiya kalanmɔɔ yi dɔnni kɛla niisɔɔnminabalu ni julumbutɔlu fɛ?»

Luka 16:2

a do k'a kili k'a fɔ a yɛ, a vɛɛ: ‹Ǹ'i ko mindɛ le mɛnna i kɔ yi ne? I na ko ko si kɛla ǹa nafolo lɔ, fɔ i yi wo bɛ dandɛɛli kɛ ǹ yɛ, kamasɔlɔn i tɛnala kɛla ǹa nafolo kunnasiiba le butu!›

Luka 6:37

«Ài k'ài mɔɔɲɔɔlu ya kiti tɛɛ, fɔsa Ala kana àilu gbu kiti. Ài do k'ài mɔɔɲɔɔlu jobaliya, fɔsa Ala kana àilu gbu jobaliya. Ài y'ài mɔɔɲɔɔlu makoto, Ala fana kɛtɔ àilu gbu makotola.

Yohana 3:10

Isa k'a javi, a vɛɛ: «Ile min yi Bani Isilankalu ya kalanmɔɔ ba le, i ma ko minu lɔn?

Kɛkolu 13:1

Wo k'a talan kela ni kalanmɔɔ dɔlu tɛɛ limaniyajama tɛma Antiyɔsi so kɔnɔ. Wo dɔlu le ne: Baanabasi, Simiyɔn (ai tɛɛ a fɔla min ma ko Falafin), Lusiyusi ka bɔ Silɛni, Manayen (min ni jamanakunnasiiba Helodi ka buɲa i ɲɔɔ fɛ), ani Sawuli.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

1 Timote 1:7

Ai do y'a fɛ k'ai jɛlɛ kɛ seliya kalanmɔɔlu le, k'a talan koɲaye foi tɛ ai bolo ka bɛn ai kumakan ma, kumatɛ ai yi ko minu magbeleyala.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

2 Timote 1:11

Ala na ǹ lɔla ka ǹ kɛ Samakan Kein min kawanilikɛba le le, ani keladen, ani kalanmɔɔ.

Hebululu 13:17

Ài y'ài ɲamɔɔlu kumakan labato k'ài fanmajii ai yɛ, kamasɔlɔn ai y'ai jandola ài nunakili lɔ, ai do kɛtɔ wo le dandɛɛli kɛla Ala yɛ. Wo le y'a ma, ài yi diɲa ɲamɔɔlu yi baale min kɛ sawa boloma. Ni ai do niila ka fin wo lɔ, wo tɛnala ài wunafala.

Janguba 1:16

Ǹ diyanan badenmalu, ài kà diɲa ài la yi fili.

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 3:10

Tanuli ni daanni yi bɔla da kelen wo le lɔ. M̀ badenmalu, wo man kan ka kɛ dɛ!

1 Piyɛli 5:3

Ài k'ài fanga la mɔɔlu kɔkan minu kalifanin ài la, mafɔ ài yi kɛ misali ɲuma le saa kulu yɛ.