Janguba 2:8 - Ala Ya Salatikan Kula Kitabu

⁸ Ni ài ka Ala ya masaya seliya latelen iwo a sɛvɛnin kitabu kɔnɔ teme, ko: «I siiɲɔɔ kanu iwo ile gbu,» wo vɛ kɛla, ài gbu v'a kɛ kobɛn.

Janguba 2:8 ပူးပေါင်းရင်းမြစ်များ

Matiyu 22:39

A filana yi wo ɲɔɔzii le le, ko: ‹I i siiɲɔɔ kanu iwo ile gbu.›

Matiyu 25:21

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 25:23

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 7:12

«Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ, kamasɔlɔn a sɛvɛnin ten ne Nabi Musa ya Taulati lɔ, ani kela dɔgbɛlɛlu ya kitabulu lɔ.»

Lɔmukalu 13:10

Ni i k'i siiɲɔɔ kanu, i tɛnala koyon kɛla a la wo le. Wo ma, mɔɔ min v'a siiɲɔɔ kanula, wo tii vɛ seliya lakunnin dafa.

Galatiyakalu 5:14

Kamasɔlɔn Ala ya seliya bɛ lakunnin yi kuma kelen min ne lɔ, ko: «I i siiɲɔɔ kanu iwo ile gbu.»

Galatiyakalu 6:2

Ài ɲɔɔ madɛmɛn ài kunkolu ma, wo vɛ kɛla, Masa Tɔɔmasenin ya seliya da yi fale.

Filipikalu 4:14

Wo bɛ n'a kɛ, ài gbu n'a kɛ yi la kobɛn, ài na m̀ madɛmɛn mingɛla ǹa tɔlɔya waate lɔ.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

Janguba 1:25

Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

Janguba 2:12

Wo le y'a ma, ài y'ài kumaɲa ni ài taamaɲa bɛ kɛ iwo mɔɔ minu ya kiti tɛɛtɔ ka bɛn seliya wo ma, min yi lafɛlɛ dila.

Janguba 2:19

Jalasa i limaniyanin ko Ala kelenpesa le yi je? Wo bɛnyine feu! Hali jinalu gbu limaniyanin wo ma, ai do lɔ yi jaajaala siyan boloma.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.