Janguba 2:5 - Ala Ya Salatikan Kula Kitabu

⁵ Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

Janguba 2:5 ပူးပေါင်းရင်းမြစ်များ

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 5:3

«Duwawuden ne mɔɔ wolu le, minu k'a lɔn ko ai lɔnin fandanya la Ala ɲakɔlɔ, kamasɔlɔn ai fɛ yi haijɛnɛ masaya la.

Malɛkɛ 7:14

Wo kɔ, Isa ka jama kili kɔtunun k'a fɔ ai yɛ, a vɛɛ: «Ài bɛ y'ài tolomalɔ ka ko min ɲaye.

Luka 12:21

Wo ɲɔɔzii le kɛtɔ wo mɔɔ masɔlɔnna min yi nafolo ladɛnna a jɛlɛ yɛ, a do tɛ nafolotii le Ala ɲakɔlɔ.»

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Luka 16:22

«Lon dɔ, fandanni wo ka sa, mɛlɛkalu do k'a ta ka taa a lasii Nabi Ibulahima tɔɔfɛ. Nafolotii fana ka sa, ai do k'a sudoon.

Luka 16:25

Kɛɛ Nabi Ibulahima do vɛɛ a yɛ: ‹Ǹ den, i yi mili, i na kaila siyama sɔlɔnna k'a dafa iya dunuɲalɔtɛɛ lɔ, k'a talan Lazali do na aa dunuɲalɔtɛɛ kɛla tɔlɔya le lɔ. Kɛɛ bi, a vɛ josolajii sɔlɔn, k'a talan ile do yi jangata le lɔ.

Luka 22:29

Wo lɔ saa, ǹ'i masaya dila ài ma, iwo ǹ Fa na masaya dila m̀ ma teme,

Luka 6:20

Isa k'i ɲa kaa a kɔbiladennu lɔ k'a fɔ ai yɛ, a vɛɛ: «Duwawuden ne àilu fandannilu le, kamasɔlɔn ài fɛ yi Ala ya masaya la.

Yohana 7:48

Kuntii kelen, niwotɛ Falisi kelen ma limaniya ba a ma, kɛlɛ?

Kɛkolu 7:2

Etiyɛn vɛɛ: «M̀ badenmalu ni ǹ fanu, ài y'ài tolomalɔ ǹ na. Ka talan mɔ bema Ibulahima tɛɛ m'i sii ba bene Halan duu kɔnɔ, Nɔɔlɔtii Ala k'a jɛlɛ jiya a la Mesopotami jamana lɔ.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

2 Kolɛntikalu 4:15

Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.

2 Kolɛntikalu 6:10

Ai do yi mɔ yena mɔɔ maɲumanin ne le, k'a talan mɔ sawanin kudein. Ai yi mɔ yena bolokolon ne le, k'a talan m'i mɔɔ siyama labanayala. A ai kɔnɔ ko foi tɛ mɔ bolo, k'a talan fen bɛ yi mɔ ta le le.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

2 Tɛsalonikakalu 1:5

Ado Ala kɛtɔ jangata wo kɛla sabu le ka aa kiti telennin lagbɛ, fɔsa ài yi kɛ mɔɔlu le minu ni aa masaya donko lɔkaannin, ài yi tɔlɔya masɔlɔnna ka bɛn min ma.

1 Timote 6:18

A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

2 Timote 4:18

Tuɲa le, mɔ Tii kɛtɔ ǹ lakisila ka m̀ bɔ koyon suu bɛ ma, ka ǹ lakananin ladon aa masaya lɔ haijɛnɛ. Magbiliyali yi ale le yɛ waate bɛ ani habadan. Amiina.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 1:16

Ǹ diyanan badenmalu, ài kà diɲa ài la yi fili.

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 1:9

Mɔ badenma min yi bolokolon ne, wo ka kan k'a ɲalɔkɛnɛya a kɔlɔtako lɔ Ala bolo,

1 Piyɛli 1:4

Wo ma, Ala yi balayi minu ladalola haijɛnɛ, minu tɛ se tiɲala, niwotɛ ka kɔsɔ, niwotɛ k'a dɔ bɔ ai dalaya la, wolu ladalonin àilu le yɛ,

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

Ko Lankɛnɛmayanin 2:9

« ‹Ǹ k'iya tɔlɔyalu lɔn ani iya fandanya, k'a talan bana le i le jɔ! Ǹe do k'a lɔn ne ko mɔɔlu i tɔɔ tiɲala teme, ailu minu y'a fɔla ai jɛlɛ ma ko Jahudiya, k'a talan ai tɛ wo le, mafɔ Soitana kɔbiladennu.

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.

Ko Lankɛnɛmayanin 3:18

Ǹ'i lalila yi ne, ǹ ko, i yi sanu san m̀ ma, taa vɛ min lasɛnɛya, fɔsa i yi banaya. I yi faani gbɛ san m̀ ma, fɔsa feeyabɔ yi kɛ i ma, i falimakolon kana bɔ gbɛ la maloya le. I yi ɲadimintulu san m̀ ma ka wo mun i ɲa kɔkan, fɔsa i yi se yeni kɛla teme.