Janguba 2:14 - Ala Ya Salatikan Kula Kitabu

¹⁴ M̀ badenmalu, nafa mindɛ yi wo la ni mɔɔ dɔ k'a fɔ ko limaniya y'a bolo, k'a talan a tɛ kɛko ɲuma kɛla? Jalasa limaniya wo suu yi sene a lakisila?

Janguba 2:14 ပူးပေါင်းရင်းမြစ်များ

Matiyu 5:20

Ǹ'i tuɲa fɔ ài yɛ, ni ài m'ài telen ka timin seliya kalanmɔɔlu ni Falisilu la, ài tɛnala donna haijɛnɛ masaya lɔ feu.

Luka 3:11

Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»

Luka 6:49

Kɛɛ mɔɔ min yi ǹ kumakannu mɛnna, a do tɛ ai labatola, wo tii kɛyine iwo bonlɔba min ma diɲa sen aa bonjusii waate. Kɔɔfa ka se bon wo ma mingɛ, a do ka te telemanin tɛtɛ!»

Kɛkolu 15:9

Wo ma, Ala ma lafisayali kɛ ǹu ni ailu wotɛ, kamasɔlɔn a n'ai josokun lasɛnɛyala ka bɛn aiya limaniya le ma.

Kɛkolu 8:13

Simɔn gbu ka limaniya. A ban kɔ makoli sɔlɔnna, a ka to Filipe fɛ kawakoya boloma, kamasɔlɔn a tɛɛ tɔɔmase ni kawanankolu kɛnin yena wo bolo.

Kɛkolu 8:21

I fɛ tɛ maa baale la feu, kamasɔlɔn i joso telennin tɛ Ala ɲakɔlɔ.

Lɔmukalu 2:25

Tuɲa le, nafa yi kɛnɛkɛko la ni i ka seliya latelen. Kɛɛ ni i ka seliya tiɲa, iya kɛnɛkɛnin vɛ kɛ kɛnɛkɛbaliya le.

1 Kolɛntikalu 15:2

Ài do kɛtɔ kisila Samakan Kein min ne fɛ, ni ài fasanin ka to a ma, iwo ǹ n'ài kawanila teme. Niwotɛ, àiya limaniya yi kɛle kofuun ne.

1 Kolɛntikalu 16:22

Ni mɔɔ min tɛ mɔ Tii kanula, wo tii daanyine. Malanata (Na vɛ, mɔ Tii)!

Galatiyakalu 5:13

Àilu koni m̀ badenmalu, Ala n'ài kilila ài lafɛlɛko le lɔ. Kɛɛ àiya lafɛlɛ wo kà kɛ sabu le k'ài bila ài falikolo ladiyanankolu kɔ, mafɔ ài ɲɔɔ madɛmɛn kanundeya boloma.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

Tite 1:16

Ai y'a fɔla ko ai ka Ala lɔn, kɛɛ ai kɛkolu y'ai jobaliyala ka bɛn wo ma. Mɔɔ magbeyanin ne ài le, ani kolobali, minu tɛ se koɲuma suu suu kɛla.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 11:17

Ibulahima lɔ ka suma Ala bolo waate min nɔ, aa limaniya le ka kɛ sabu le, a ka diɲa Isiyaka bɔko ma salaka le. Lahedi tanin ale min yɛ, a tɛɛ a denkɛ kelenpesa bɔ bolo le ma salaka le,

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Janguba 1:16

Ǹ diyanan badenmalu, ài kà diɲa ài la yi fili.

Janguba 2:16

ni ài dɔ k'a fɔ wo tii yɛ: «Taa hɛlɛ lɔ, Ala y'i balo k'i feeyabɔ,» k'a talan a ma foi di min yi wo mako laɲia, nafa mindɛ le wo la?

Janguba 2:18

Kɛɛ ni dɔ k'a fɔ ko: «Ile limaniyayine, ǹe do yi kɛko ɲumalu le kɛla,» wo vɛ kɛla, ǹ kɛtɔ wo tii javila, ǹ ko: «Iya limaniya jiya vɛ ǹ na ka bɔ i kɛko ɲumalu kɔ, ǹe do kɛtɔ ǹa limaniya jiyala i la ka bɛn ǹ kɛko ɲumalu le ma.»

Janguba 2:26

Kamasɔlɔn falikolo yi fen sanin ne teme ni nii t'a lɔ, wo boloɲa kelen ma, limaniya min tɛ mɔɔ lɔla kɛko ɲumalu la, wo sayine.

2 Piyɛli 1:5

Ka bɛn wo gbugbu ma, ài y'ài lɔja ka ɲumaya la àiya limaniya kɔkan, ka lɔnni la àiya ɲumaya kɔkan,