Janguba 1:5 - Ala Ya Salatikan Kula Kitabu

⁵ Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 1:5 ပူးပေါင်းရင်းမြစ်များ

Matiyu 11:20

Wo kɔ, Isa tɛɛ vɛ kawananko siyama kɛ so minu la, a vɛ sokɔnɔmɔɔ wolu makumala, kamasɔlɔn ai ma ai dajoo jɛlɛma. Wo lɔ, a vɛɛ:

Malɛkɛ 16:14

A laban nɔ, Isa k'a jɛlɛ jiya aa keladen mɔɔ tan ni kelen (11) na, ai tɛɛ dɔnnila waate min nɔ. A do k'ai makuma ka bɛn aiya limaniyabaliya ma ani aiya kunnɔgbeleya. Kamasɔlɔn ai ma la mɔɔ wolu la minu na a ɲɛnɛma yena a wuli kɔ ka bɔ saya lɔ.

Yohana 14:13

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

2 Kolɛntikalu 2:16

Wo do kɛyine iwo saya suma halakibatɔlu yɛ, min yi saya lasena ai ma. Kɛɛ a kɛyine iwo niimaya suma mɔɔ lakisininnu yɛ, min yi niimaya lasena ai ma. Ado jene senin baale wo la?

Janguba 1:17

Fen ɲuma ni sɔlifen dafanin suu bɛ yi bɔla Fa Ala le fɛlɔ sanma, min na sangbolokɔnɔ mɛnɛnfennu ladanna. A tɛ jɛlɛmana ka bɔ a kɛɲa ma, ado aa kɛnɛya tɛ se nɔla divi bolo.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.