Janguba 1:4 - Ala Ya Salatikan Kula Kitabu

⁴ Wo le y'a ma, fɔ àiya sawali da yi fa ka se a dan ma, fɔsa àiya ko bɛ yi dafa, ài kà dɛsɛ a suu suu la.

Janguba 1:4 ပူးပေါင်းရင်းမြစ်များ

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Matiyu 19:20

Kavelen do vɛɛ a yɛ: «M̀'ɛ seliya wolu bɛ labato. Kɛɛ ǹ dɛsɛnin mindɛ la bene?»

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Malɛkɛ 10:21

Isa k'i ɲa kaa a lɔ kanundeya boloma k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo ba kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 21:19

Wo le y'a ma, ài y'ài lɔgbeleya, fɔsa ài nii la yi kisi.

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

1 Kolɛntikalu 2:6

Wo bɛ n'a kɛ, m'i hangilimaya kumalu lasena mɔɔlu ma minu sawatinin limaniya lɔ. Kɛɛ do, hangilimaya wo suu tɛ dunuɲa ta le, niwotɛ dunuɲa kuntiilu ta, minu yi tunun boloma yi ne.

Galatiyakalu 6:9

Mɔ kà sɛyɛ koɲumakɛko lɔ, kamasɔlɔn ni mɔ falilɔ ma teeya k'a dabila, mɔ kɛtɔ maa koɲuma sala sɔlɔnna a waate bɛlɛ le lɔ.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

1 Tɛsalonikakalu 5:23

Ala gbu min yi josolajii dila, wo y'ài kɛ mɔɔ sɛnɛyanin ne boloɲa bɛ ma. Ala yi ài nunakili ni ài josokun ni ài falikolo bɛ matanga, fɔsa ài yi kɛ jalakibali le mɔ Tii Masa Tɔɔmasenin Isa nalon.

2 Timote 3:17

min y'a kɛ Ala ya mɔɔ yi kɛ mɔɔ dafanin ne, min yi se ka baale ɲuma suu bɛ dɔ kɛ.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 3:2

Mɔ bɛ le la yi filila ko siyama lɔ. Ni mɔɔ min tɛ filila a dalakan nɔ feu, wo tii yi mɔɔ dafanin ne le, min yi se a jɛlɛkanu falikolo makolola ko bɛ lɔ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:9

Kɛɛ ni mɔɔ min dɛsɛnin ka kɛ ko minu la, wo tii tɛ yeni kɛla kosɛvɛ, a do yi ɲagbɛ le le, kamasɔlɔn a vɛ ɲina ko a la vɛ sɛnɛya ka bɔ aa julumbu kɔlɔlu ma.