Janguba 1:27 - Ala Ya Salatikan Kula Kitabu

²⁷ Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

Janguba 1:27 ပူးပေါင်းရင်းမြစ်များ

Matiyu 12:32

Ni mɔɔ mɔɔ ka lafeyalikan fɔ Mɔɔnivin Tanin ma, a ma yi sene kotola. Kɛɛ ni mɔɔ mɔɔ ka lafeyalikan fɔ Nii Sɛnɛyanin ma, wo tii ma tɛ koto dunuɲa min nɔ. A do ma tɛ koto habadan.»

Matiyu 5:8

Duwawuden ne mɔɔ josolɔgbɛninnu le, kamasɔlɔn ai kɛtɔ Ala yena.

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 2:13

Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Galatiyakalu 3:11

A lagbɛyine ko mɔɔ foi tɛ se jatela telenmande le Ala ɲakɔlɔ ka bɛn seliya latelenko ma, kamasɔlɔn a sɛvɛnin kitabu kɔnɔ, ko: «Mɔɔ telennin kɛtɔ niimaya kɛla limaniya le boloma.»

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Galatiyakalu 6:14

Ǹe koni, ǹ tɛnala ǹ jɛlɛ matɔɔla ko ko si lɔ, mafɔ mɔ Tii Masa Tɔɔmasenin Isa gbaanko kɔlɔman ma dein. Ka bɛn wo ma, dunuɲa kɛnin ǹ ɲana fen sanin ne le, ado ǹe fana yi fen sanin ne le dunuɲa ɲana.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 5:4

Kɛɛ ni dennu ka kɛ kɛsamoso min bolo, niwotɛ mamanilu, fɔ den wolu yi Alaɲasiyanɲɛ jiyaɲa lɔn kunfɔlɔ le ka bɛn aiya demayalu minaɲa ma. Ai banu na min bɛ kɛla ai yɛ, ailu yi wo ɲɔɔzii kɛ, kamasɔlɔn wo le diyanin Ala yɛ.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

Janguba 3:9

M'i Ala tanula mɔ nɛɛ le le, ale min yi mɔ Tii ni mɔ Fa le. Mɔ do yi mɔɔlu daanna mɔ nɛɛ kelen wo le le, k'a talan ai ladannin Ala sawula le lɔ.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 3:14

Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

1 Yohana 5:18

Mɔ k'a lɔn ne ko mɔɔ min vɛ sɔlɔn kula kɛ Ala bolo, wo tii tɛ tola julumbu tala, kamasɔlɔn Ala Denkɛ y'a lakanala, ado Soitana tɛ se foi kɛla a la.