Janguba 1:25 - Ala Ya Salatikan Kula Kitabu

²⁵ Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

Janguba 1:25 ပူးပေါင်းရင်းမြစ်များ

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Yohana 13:17

Ni ài ka ko minu lɔn ani k'ai kɛ, ài kɛtɔ duwawuden ne le.

Yohana 8:36

Wo ma, ni Ala Denkɛ vɛ ài lafɛlɛla, ài lafɛlɛnin yi tole bɛlɛbɛlɛ kɛ.

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 2:42

Limaniyamɔɔlu k'ai sɛmɛdon kalan ma keladennu fɛ, ani ka ladɛn kɛ i ɲɔɔ fɛ iwo badenmalu, ani ka kɛ bulu lɔtalale i ɲɔɔ wotɛ, ani ka Ala dali i ɲɔɔ fɛ.

Kɛkolu 26:22

Kɛɛ Ala vɛ to m̀ madɛmɛnna haan fɔɔ ka na sii bi la. Wo lɔ, ǹ lɔnin jan ka seleya di mɔɔ bɛ ma, fandanni ni seetiilu bɛ. Nabi Musa ni kela tɔlu ka ko natɔ minu fɔ, ǹe do ma ko gbɛlɛ fɔ ka timin wolu la.

Lɔmukalu 11:22

M'i Ala ya ɲumaya ni aa faiya le yena ko min nɔ: A faiyayine aa siyabilabalu ma, kɛɛ a yi ɲumaya jiyala àilu le la, ni ài ka to aa ɲumaya kɔ. Niwotɛ, ile gbu kɛtɔ tɛɛla a la wo boloɲa kelen ne ma.

Lɔmukalu 2:13

Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

Lɔmukalu 7:12

Wo lɔ saa, seliya sɛnɛyayine, a do yi jamali min dila, wo sɛnɛyayine, ka telen, ani ka keinya.

Lɔmukalu 8:15

Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

1 Kolɛntikalu 15:58

Wo le y'a ma, ǹ diyanan badenmalu, ài y'ài lɔgbeleya. Foi kà ài laseikɔ. Ài y'ài sɛmɛdon mɔ Tii ya baale ma waate bɛ, kamasɔlɔn ài k'a lɔn ne ko ài yi baale min kɛla mɔ Tii ya kafonɲɔɔya lɔ, wo tɛnala kɛla kofuun ne.

2 Kolɛntikalu 13:5

Ài y'ài jɛlɛ lakɔlɔsi k'a ye ni ài yi limaniya siya le kɔkan. Ài y'ài jɛlɛ lɔsuma. Jalasa ài m'a ɲaye ko Masa Tɔɔmasenin Isa y'ài tɛma? Mafɔ, ni a ka talan ài vɛ koli lɔsumani wo lɔ.

Galatiyakalu 2:4

Wo ko tɛɛ vɛ wuli kamasɔlɔn faɲafɔ badenma dɔlu tɛɛ vɛ kafon mɔ kɔkan doon nɔ mɔ ɲina ma. Ai tɛɛ a fɛ ka maa lafɛlɛ lakɔlɔsi min sɔlɔnnin Masa Tɔɔmasenin ya kafonɲɔɔya lɔ, fɔsa ai yi mɔ bila jɔnya lɔ kɔtunun.

Galatiyakalu 5:1

Masa Tɔɔmasenin vɛ mɔ lafɛlɛ fɔsa m'i to lafɛlɛ lɔ. Wo le y'a ma, ài y'ài lɔgbeleya. Ài do k'ài jɛlɛ bila jɔnya lɔ kɔtunun.

Galatiyakalu 6:2

Ài ɲɔɔ madɛmɛn ài kunkolu ma, wo vɛ kɛla, Masa Tɔɔmasenin ya seliya da yi fale.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

1 Timote 2:15

Wo bɛ n'a kɛ, moso kɛtɔ kisila ka bɛn densɔlɔnko le ma, ni a ka to taamana limaniya, ni kanundeya, ni sɛnɛyali, ani jɛlɛlɔmina boloma.

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Janguba 2:12

Wo le y'a ma, ài y'ài kumaɲa ni ài taamaɲa bɛ kɛ iwo mɔɔ minu ya kiti tɛɛtɔ ka bɛn seliya wo ma, min yi lafɛlɛ dila.

1 Piyɛli 2:16

Ài yi taama iwo mɔɔ lafɛlɛnilu, kɛɛ àiya lafɛlɛ wo kà kɛ àiya koyonnu doonko le. Ài do yi taama iwo Ala ya jɔnnu.

1 Yohana 2:24

Àilu koni, ài na kuma min mɛnna ka ta a damina ma, ài y'ài lɔja fɔsa wo yi sawati ài josokun nɔ. Ài na min mɛnna ka ta a damina ma, ni wo ka sawati ài josokun nɔ, àilu fana yi sawatile mɔ Fa ni a Denkɛ ya kafonɲɔɔya lɔ.

Ko Lankɛnɛmayanin 14:13

Wo kɔ, ǹ ka kumakan dɔ mɛn ka bɔ haijɛnɛ, a vɛɛ: «A sɛvɛ ko: Duwawuden ne mɔɔ saninnu le, minu yi sala mɔ Tii ya kafonɲɔɔya lɔ ka ta bi ma.» Nii Sɛnɛyanin do vɛɛ: «Duwawuden ne ai le jɔ! Ai kɛtɔ ai nɔningɛla aiya baalelu ma, kamasɔlɔn ai kɛko ɲumalu balayi y'ai kɔ.»

Ko Lankɛnɛmayanin 22:14

Duwawuden ne mɔɔ wolu le minu yi aiya pipɔ kola k'a gbɛ, fɔsa see yi di ai ma niimaya kɔlɔmanden dɔnko lɔ, ani ka don so kɔnɔ a dondalu fɛ.