Janguba 1:22 - Ala Ya Salatikan Kula Kitabu

²² Ài yi kɛ Ala kumakan labatobalu le. Ài do kà kɛ a lamɛnba le dein, k'ài jɛlɛ lafili wo le.

Janguba 1:22 ပူးပေါင်းရင်းမြစ်များ

Matiyu 12:50

Kamasɔlɔn mɔɔ mɔɔ vɛ ǹ Fa sawo kɛla min yi haijɛnɛ, wo tii yi ǹ dɔɔkɛ ni ǹ dɔɔmoso ni m̀ ba le le.»

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Yohana 13:17

Ni ài ka ko minu lɔn ani k'ai kɛ, ài kɛtɔ duwawuden ne le.

Lɔmukalu 2:13

Kamasɔlɔn mɔɔ minu yi seliya lamɛnna dein, Ala tɛ wolu jatela telenmande le, mafɔ minu yi seliya latelenna.

1 Kolɛntikalu 15:33

Ài k'ài jɛlɛ lafili: «Diɲɔɔ yon ne yi sɔn ɲuma tiɲala.»

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

Galatiyakalu 6:3

Ni mɔɔ min k'a jɛlɛ ye mɔɔba le k'a talan a tɛ foi le, wo tii y'a jɛlɛ le manɛɛla.

Galatiyakalu 6:7

Ài k'ài jɛlɛ manɛɛ. Mɔɔ tɛ se jɛlɛbɔla Ala lɔ. Mɔɔ vɛ sɛnɛfen min sɛnɛna, i yi wo le kalila.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

Janguba 1:26

Ni mɔɔ dɔ k'a jɛlɛ jate diinamɔɔ le, k'a talan a tɛ a nɛɛ kunmafɛlɛnna, wo tii y'a jɛlɛ le manɛɛla, ado aa diinako yi kofuun ne le.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

Janguba 4:17

Wo le y'a ma, ni mɔɔ min ka koɲuma lɔn, a ka kan ka min kɛ, a do k'i ban wo ma, wo vɛ kɛla, a vɛ julumbu ta.

2 Piyɛli 2:13

Ai na koyon minu kɛla, wo ɲɔɔzii le kɛtɔ kɛla ai sala le. A do diyayine ai yɛ ka manamanakolu kɛ tele gba la. Ni ai vɛ kɛla ài tɛma àiya feetikɛya lɔ, ai àiya kolu lakɔsɔla k'ài lanɔɔ, ai v'ai jɛlɛ diyabɔla aiya janvandeyakolu le.

1 Yohana 1:8

Ni mɔ k'a fɔ ko julumbu tɛ mɔ ma, m'i mɔ jɛlɛkanu le manɛɛla, ado tuɲa tɛ mɔ josokun nɔ.

1 Yohana 2:3

Ni mɔ ka Ala ya jamalilu labato, m'a lɔnna wo le fɛ ko mɔ ka a lɔn.

1 Yohana 3:7

Ǹ dennu, ài kà diɲa mɔɔ mɔɔ y'ài lafili. Mɔɔ min yi taamana telenmandeya lɔ, wo tii telenyine iwo Isa gbu telennin teme.

3 Yohana 1:11

Ǹ diyananmɔɔ, i k'i bila koyon fɛ, mafɔ koɲuma. Mɔɔ min yi koɲuma kɛla, wo tii yi Ala ta le le. Kɛɛ mɔɔ min yi koyon kɛla, wo tii ma Ala lɔn feu.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 22:7

Isa vɛɛ: «A ye, ǹ natɔ jona. Duwawuden ne mɔɔ wo le, min y'a bolo kɛla kelayakumalu la minu sɛvɛnin kitabu min kɔnɔ.»